തിരുവനന്തപുരം: വോട്ടർ പട്ടികയുടെ പ്രത്യേക തീവ്ര പുനഃപരിശോധന രാജ്യവ്യാപകമായി നടപ്പിലാക്കാനുള്ള തെരഞ്ഞെടുപ്പ് കമ്മീഷന്റെ നീക്കം, ദേശീയ പൗരത്വ രജിസ്റ്റർ കൊണ്ടുവരാനുള്ള വളഞ്ഞ വഴിയാണെന്ന ആശങ്ക ശക്തമാണെന്ന് മുഖ്യമന്ത്രി പിണറായി വിജയൻ വ്യക്തമാക്കി. ബിഹാറിൽ നടന്ന എസ്ഐആർ പ്രക്രിയയാണ് ഇത്തരം ആശങ്കകൾക്ക് തെളിവ്. അവിടെ യുക്തിരഹിതമായ പേരൊഴിവാക്കലുകളും പുറന്തള്ളലിന്‍റെ രാഷ്ട്രീയവും വോട്ടർ പട്ടിക പരിഷ്കരണത്തിൽ പ്രകടമായിരുന്നു. അതേ മാതൃക ദേശീയതലത്തിൽ നടപ്പാക്കുകയാണെന്ന് സംശയിക്കപ്പെടുന്നുവെന്നും ഏകകണ്ഠേന അംഗീകരിച്ച പ്രമേയത്തിൽ മുഖ്യമന്ത്രി വ്യക്തമാക്കി. എസ്ഐആറിന്റെ ഭരണഘടനാസാധുത സുപ്രീം കോടതിയുടെ പരിഗണനയിൽ തന്നെയിരിക്കെ, […]