പാലക്കാട്: കാര് പൊട്ടിത്തെറിച്ചുണ്ടായ അപകടത്തില് പരിക്കേറ്റ് ചികിത്സയിലായിരുന്ന കുട്ടികള് മരിച്ചു. നാല് വയസുകാരി എമിലീന മരിയ മാര്ട്ടിന്, ആറ് വയസ്സുകാരന് ആല്ഫ്രഡ് എന്നിവരാണ് മരിച്ചത്. പൊല്പ്പുളളി കൈപ്പക്കോട് സ്വദേശി എല്സി മാര്ട്ടിന്, മക്കളായ എമിലീന മരിയ മാര്ട്ടിന്, ആല്ഫ്രഡ് പാര്പ്പിന് എന്നിവര്ക്കാണ് കഴിഞ്ഞ ദിവസം ഗുരുതരമായി പരിക്കേറ്റത്. മൂവര്ക്കും 90 ശതമാനത്തിലധികം പൊളളലേറ്റിരുന്നു. മുതിര്ന്ന കുട്ടിയ്ക്ക് നിസാര പരിക്കുകളുണ്ട്. പാലക്കാട്ടെ സ്വകാര്യ ആശുപത്രിയിലെ നഴ്സാണ് എല്സി മാര്ട്ടിന്. ഇന്നലെ വൈകുന്നേരം നാലുമണിയോടെയായിരുന്നു അപകടം. കുട്ടികളുമൊത്ത് പുറത്തുപോകാനായി കാറില് കയറിയപ്പോഴായിരുന്നു സംഭവം. പഴയ മാരുതി 800 കാറാണ് പൊട്ടിത്തെറിച്ചത്. കാറിന് പുറത്തായിരുന്നു കുട്ടികളും എല്സിയും കിടന്നിരുന്നത്. കാറിന്റെ പിന്വശത്തായിരുന്നു തീ ഉയര്ന്നത്.
കാര് സ്റ്റാര്ട്ട് ചെയ്ത ഉടന് പെട്രോളിന്റെ മണംവന്നുവെന്നും രണ്ടാമത് സ്റ്റാര്ട്ട് ചെയ്യാന് ചെയ്യാന് ശ്രമിച്ചപ്പോഴാണ് പൊട്ടിതെറിക്കുകയായിരുന്നു.
