പാലക്കാട്: പാലക്കാട് ജില്ലയിലെ ബിജെപിയുടെ തിരഞ്ഞെടുപ്പ് പ്രകടനത്തെക്കുറിച്ച് സംസ്ഥാന നേതൃത്വം വിശദമായ അവലോകനത്തിന് ഒരുങ്ങുന്നു. സ്ഥാനാർഥി നിർണയത്തിലെ പ്രശ്‌നങ്ങളും ചില മണ്ഡലങ്ങളിലെ വോട്ട് ചോർച്ചയും സംബന്ധിച്ച പരാതികളാണ് പ്രധാനമായും പരിശോധിക്കുന്നത്. ആവശ്യമെങ്കിൽ സംസ്ഥാന ഭാരവാഹികളെ ഉൾപ്പെടുത്തി പ്രത്യേക പഠന സമിതി രൂപീകരിച്ച് അന്വേഷണം നടത്താനാണ് തീരുമാനം. തിരഞ്ഞെടുപ്പിന് ശേഷം വിവിധ മണ്ഡലങ്ങളിലെ കോർ കമ്മിറ്റി യോഗങ്ങളിൽ ഉയർന്ന പരാതികളാണ് ഇപ്പോൾ പരിശോധനയ്ക്ക് വിധേയമാകുന്നത്. പാലക്കാട് ഈസ്റ്റ് ജില്ലയിലെ പല മണ്ഡലങ്ങളിലും പ്രതീക്ഷിച്ച പ്രകടനം കാഴ്ചവെക്കാൻ സാധിച്ചില്ലെന്ന് റിപ്പോർട്ടുണ്ട്. […]