പാലക്കാട്: വരാനിരിക്കുന്ന തദ്ദേശസ്വയംഭരണ തിരഞ്ഞെടുപ്പിനായി തരൂർ ഗ്രാമപഞ്ചായത്തിയിലെ എൽഡിഎഫ് സ്ഥാനാർത്ഥികൾ നാമനിർദ്ദേശപത്രിക സമർപ്പിച്ചു. രാവിലെ തന്നെ പ്രവർത്തകരുടെ നേതൃത്വത്തിൽ തിരക്കേറിയ അന്തരീക്ഷത്തിലാണ് ഓരോ വാർഡുകളിലും സ്ഥാനാർത്ഥികൾ കുതിപ്പോടെ നാമനിർദ്ദേശ കേന്ദ്രത്തിലെത്തിയത്. എൽഡിഎഫ് നേതൃത്വത്തിന്റെ തീരുമാനപ്രകാരം ഇത്തവണയും വികസനവും ജനക്ഷേമ പ്രവർത്തനങ്ങളും മുൻനിർത്തിയുള്ള ശക്തമായ സ്ഥാനാർത്ഥി നിരയെയാണ് ഇറക്കിയിരിക്കുന്നത്. നാമനിർദ്ദേശ സമർപ്പണത്തിന് സിപിഐ (എം), സിപിഐ, എൽഡിഎഫ് അനുബന്ധ സംഘടനകളിലെ പ്രവർത്തകരുടെ വൻ സാന്നിധ്യമുണ്ടായിരുന്നു. സ്ഥാനാർത്ഥി മുന്നേറ്റത്തിന് അനുയോജ്യമായ അന്തരീക്ഷം നടക്കുന്നുണ്ടെന്നും ജനങ്ങളുടെ പിന്തുണ ഉറപ്പാണെന്നും എൽഡിഎഫ് നേതാക്കൾ […]

പാലക്കാട് : തെരഞ്ഞെടുപ്പ് പ്രവർത്തനങ്ങൾ സജീവമാകുന്ന സാഹചര്യത്തിൽ ഒറ്റപ്പാലത്ത് കോൺഗ്രസിൽ വിമതപ്രവർത്തനം ശക്തമാകുന്നു. ബ്ലോക്ക് കോൺഗ്രസ് പ്രസിഡന്റും ഔദ്യോഗിക സ്ഥാനാർത്ഥിയുമായ എൻ. കെ. ജയരാജനെതിരെ ബ്ലോക്ക് ജനറൽ സെക്രട്ടറി എം. ഉണ്ണിക്കൃഷ്ണൻ അതേ വാർഡിൽ സ്വതന്ത്ര സ്ഥാനാർത്ഥിയായി നാമനിർദ്ദേശപത്രിക സമർപ്പിച്ചു. മുൻ മണ്ഡലം കോൺഗ്രസ് പ്രസിഡന്റുമായ ഉണ്ണിക്കൃഷ്ണൻ, ബ്ലോക്ക് നേതൃത്വത്തിന്റെ ഏകപക്ഷീയ തീരുമാനങ്ങളോടുള്ള പ്രതിഷേധമാണ് സ്വതന്ത്ര മത്സരത്തിന് കാരണമെന്ന് വ്യക്തമാക്കി. വിഷയം വിശദമായി പരിശോധിച്ച് പരിഹരിക്കുമെന്ന് ബ്ലോക്ക് കോൺഗ്രസ് പ്രസിഡണ്ട് എൻ. കെ. ജയരാജൻ പ്രതികരിച്ചു.