ന്യൂഡൽഹി: ഭാര്യയ്ക്ക് ജോലി ഉണ്ടായിരിക്കെ ഭർത്താവിൽ നിന്ന് ജീവനാംശം ആവശ്യപ്പെടാമോ എന്ന കേസിനിടെ ഫേസ്ബുക്കിലൂടെ ജഡ്ജിമാർക്കും ജുഡീഷ്യറിക്കുമെതിരെ അപകീർത്തികരമായ പരാമർശങ്ങൾ നടത്തിയെന്ന പരാതിയിൽ മലയാളിക്കെതിരെ കോടതിയലക്ഷ്യ നടപടി ആരംഭിച്ച് സുപ്രീംകോടതി. മലപ്പുറം സ്വദേശി ജയപ്രകാശ് ഇ.പിയും പത്തനംതിട്ട സ്വദേശിയായ ഭാര്യ ഷേണിയും തമ്മിലുള്ള വിവാഹമോചനക്കേസാണ് സുപ്രീംകോടതിയിലെത്തിയത്. തിരുവല്ല കുടുംബക്കോടതി ഭാര്യയ്ക്ക് ജീവനാംശം ആവശ്യപ്പെടാനാകില്ലെന്ന് നേരത്തെ വ്യക്തമാക്കിയിരുന്നു. എന്നാൽ ഹൈക്കോടതി, ഭാര്യയുടെ ജോലി താൽക്കാലികമാണെന്ന് ചൂണ്ടിക്കാട്ടി ജീവനാംശത്തിന് അർഹതയുണ്ടെന്ന് വ്യക്തമാക്കുകയും തുക തീരുമാനിക്കാൻ കുടുംബക്കോടതിക്ക് നിർദേശം നൽകുകയും ചെയ്തു. […]