മലപ്പുറം: നിലമ്പൂരിൽ ഓടിക്കൊണ്ടിരുന്ന ബൈക്കിന് പെട്ടെന്ന് തീപിടിച്ച് അപകടം. ഇന്ന് ഉച്ചയോടെയാണ് സംഭവം. ബൈക്കിലുണ്ടായിരുന്ന യാത്രക്കാരൻ സമയോചിതമായി വാഹനം നിർത്തി പുറത്തിറങ്ങിയതിനാൽ വലിയ അപകടം ഒഴിവായി. യാത്രയ്ക്കിടെ ബൈക്കിന്റെ എഞ്ചിൻ ഭാഗത്തുനിന്ന് ആദ്യം പുകയും തുടർന്ന് തീയും ഉയരുകയായിരുന്നു. പുക ഉയരുന്നത് ശ്രദ്ധയിൽപ്പെട്ട യാത്രക്കാരൻ ഉടൻ വാഹനം റോഡരികിലേക്ക് മാറ്റിനിർത്തി. തുടർന്ന് ബൈക്കിൽ നിന്ന് സുരക്ഷിതമായി പുറത്തിറങ്ങി മാറിനിന്നു. യാത്രക്കാരൻ പുറത്തിറങ്ങിയതിന് പിന്നാലെ തീ കൂടുതൽ ശക്തമായി പടർന്നു. നിമിഷങ്ങൾക്കകം ബൈക്കിന്റെ മുൻഭാഗത്തേക്കും മറ്റ് ഭാഗങ്ങളിലേക്കും തീ […]