ഇസ്ലാമാബാദ് : ആഗോള എണ്ണവിപണിയിലെ പ്രതിസന്ധി തങ്ങളെ വളരെ മോശം അവസ്ഥയിലേക്ക് എത്തിച്ചെന്ന് സമ്മതിച്ച് പാകിസ്ഥാന് പെട്രോളിയം മന്ത്രി അലി പര്വേസ് മാലിക്. ഇന്ത്യക്ക് സാമ്പത്തിക ഭദ്രതയുണ്ടെന്നും പാകിസ്ഥാന് അതില്ലെന്നും മാലിക് പറഞ്ഞു. ഇന്ത്യയുടെ പക്കല് 600 ശതകോടി ഡോളറിന്റെ വിദേശനാണ്യ ശേഖരത്തിന് പുറമെ കരുത്തുറ്റ കരുതല് ശേഖരവുമുണ്ടെന്നും ഇത് പ്രതിസന്ധികളെ അതിജീവിക്കാന് അവരെ സഹായിക്കുമെന്നും അദ്ദേഹം പറഞ്ഞു.
പാകിസ്ഥാന് തന്ത്രപ്രധാനമായ എണ്ണ ശേഖരമില്ല. വെറും അഞ്ചു മുതല് ഏഴു ദിവസത്തേക്കുള്ള അസംസ്കൃത എണ്ണ മാത്രമേ പക്കലുള്ളൂ. ഓയില് മാര്ക്കറ്റിംഗ് കമ്പനികളുടെ പക്കലുള്ള ഇന്ധനം 20 ദിവസത്തേക്ക് മാത്രമേ തികയുകയുള്ളൂ. എന്നാല് 60 മുതല് 70 ദിവസത്തേക്കുള്ള കരുതല് ശേഖരമുള്ള ഇന്ത്യയ്ക്ക് ഒരു ഒപ്പിട്ടാല് മാത്രം ഈ ശേഖരം വിപണിയിലിറക്കി വില നിയന്ത്രിക്കാന് സാധിക്കുമെന്നും മാലിക് പറയുന്നു.
