തിരുവനന്തപുരം: അർജുൻ ആയങ്കി ഉൾപ്പെടെയുള്ള ക്രിമിനൽ-ക്വൊട്ടേഷൻ സംഘങ്ങളുമായി പാർട്ടിക്ക് ബന്ധമില്ലെന്ന് സിപിഎം സംസ്ഥാന നേതൃത്വം വ്യക്തമാക്കി. അർജുൻ ആയങ്കിയെ ന്യായീകരിക്കേണ്ട ആവശ്യം പാർട്ടിക്കില്ലെന്നും അദ്ദേഹത്തിനെതിരെ നിയമനടപടി സ്വീകരിക്കുന്നതിന് പാർട്ടിയുടെ ഭാഗത്തുനിന്ന് തടസ്സങ്ങളില്ലെന്നും നേതൃത്വം വ്യക്തമാക്കി. അർജുൻ ആയങ്കി വളർന്നുവന്നത് സിപിഎം വഴിയല്ലെന്ന് എം.വി. ജയരാജനും പറഞ്ഞു. അദ്ദേഹത്തിനെതിരെ ശക്തമായ നിയമനടപടി സ്വീകരിക്കണമെന്നും അതിന് പാർട്ടിയുടെ ഭാഗത്തുനിന്ന് യാതൊരു തടസ്സവും ഉണ്ടാകില്ലെന്നും ജയരാജൻ വ്യക്തമാക്കി. ക്വൊട്ടേഷൻ സംഘങ്ങളെ പിന്തുണയ്ക്കുന്നവർ ആ സംഘത്തിന്റെ ഭാഗമാണെന്ന് കരുതേണ്ടിവരുമെന്നും അദ്ദേഹം മുന്നറിയിപ്പ് നൽകി. […]