തിരുവനന്തപുരം: പ്രായപൂർത്തിയാകാത്ത കുംഭമേള വൈറൽ താരത്തിന്റെ വിവാഹവുമായി ബന്ധപ്പെട്ട പോക്‌സോ കേസിന് പിന്നാലെ പട്ടികവർഗ പീഡന കുറ്റവും ചുമത്താൻ സാധ്യതയുണ്ടെന്ന് റിപ്പോർട്ട്. വ്യാജ ജനന സർട്ടിഫിക്കറ്റ് തയ്യാറാക്കുന്നതിൽ സഹായിച്ചവരെയും കേസിൽ പ്രതികളാക്കുമെന്നാണ് വിവരം. സംഭവത്തിൽ ഗൂഢാലോചന ഉണ്ടെന്ന് എസ്.ടി കമ്മീഷൻ നിയമ ഉപദേഷ്ടാവ് പ്രകാശ് ഉയിക്കെ ഫേസ്ബുക്കിൽ കുറിച്ചു. വിവാഹചടങ്ങിന് കാർമികത്വം വഹിച്ച കേരളത്തിലെ സിപിഎം നേതാക്കളുടെ പങ്കും അന്വേഷിക്കണമെന്ന് അദ്ദേഹം ആവശ്യപ്പെട്ടു. എന്നാൽ ചടങ്ങിൽ പങ്കെടുത്ത സിപിഎം നേതാക്കൾ ഇതുവരെ വിഷയത്തിൽ പ്രതികരിച്ചിട്ടില്ലെന്നും റിപ്പോർട്ടിൽ പറയുന്നു. […]