ചെന്നൈ: ദുരഭിമാനക്കൊലകൾ തടയുന്നതിനായി പ്രത്യേക നിയമനിർമാണം കൊണ്ടുവരാനുള്ള നടപടികളുടെ ഭാഗമായി പൊതുജനങ്ങളിൽ നിന്ന് നിർദേശങ്ങളും അഭിപ്രായങ്ങളും ക്ഷണിച്ച് തമിഴ്നാട് സർക്കാർ. വിഷയത്തിൽ നിയമം രൂപപ്പെടുത്തുന്നതിനുള്ള മാർഗനിർദേശങ്ങൾ നൽകാൻ സർക്കാർ പ്രത്യേക കമ്മിഷനെ നിയോഗിച്ചിട്ടുണ്ട്. ദുരഭിമാനക്കൊലകൾ തടയുന്നതിനുള്ള നിയമത്തിന്റെ കരട് തയ്യാറാക്കുന്നതിന് മുന്നോടിയായാണ് വിവിധ വിഭാഗങ്ങളിൽ നിന്നുള്ള അഭിപ്രായങ്ങൾ തേടുന്നത്. പൊതുജനങ്ങൾക്ക് കമ്മിഷൻ മുൻപാകെ തങ്ങളുടെ നിർദേശങ്ങളും ആശയങ്ങളും സമർപ്പിക്കാം. നിയമവിദഗ്ധർ, സാമൂഹിക പ്രവർത്തകർ, സർക്കാരിതര സംഘടനകൾ, രാഷ്ട്രീയ പാർട്ടികൾ, അക്കാദമിക് വിദഗ്ധർ തുടങ്ങിയവർക്കും നിർദേശങ്ങൾ നൽകാൻ അവസരമുണ്ട്. […]