കണ്ണൂർ: ചെറുകുന്നിൽ വന്ദേഭാരത് തീവണ്ടി തട്ടി പത്താം ക്ലാസ് വിദ്യാർഥി മരിച്ച സംഭവം നാടിനെ ദുഃഖത്തിലാഴ്ത്തി. കട്ടക്കുളത്തെ ഫെലിൻ ഫ്രെഡറിക് (16) ആണ് മരിച്ചത്. ശനിയാഴ്ച രാത്രി 10.50ഓടെയാണ് അപകടം നടന്നത്. അമ്മയുടെ വീടായ ചിടങ്ങീലിന് സമീപം ഒരു ക്ലബ്ബിന്റെ വാർഷികത്തോടനുബന്ധിച്ച് നടന്ന കലാപരിപാടി കാണാനെത്തിയതായിരുന്നു ഫെലിൻ. പരിപാടിക്കിടെ കൂട്ടുകാരോടൊപ്പം ചായ കുടിക്കാനായി റെയിൽപ്പാളം മുറിച്ചുകടക്കുന്നതിനിടെയാണ് അപകടമുണ്ടായതെന്ന് കൂടെയുണ്ടായിരുന്നവർ പറഞ്ഞു. മംഗളൂരുവിലേക്കുള്ള വന്ദേഭാരത് എക്സ്പ്രസാണ് വിദ്യാർഥിയെ ഇടിച്ചത്. അപകടത്തിൽ ഫെലിൻ സംഭവസ്ഥലത്തുവെച്ചുതന്നെ മരിച്ചു. തീവണ്ടി വരുന്നതിന്റെ ശബ്ദം […]