കോഴിക്കോട്: കോഴിക്കോട് മെഡിക്കൽ കോളേജ് ആശുപത്രിയിൽ വെന്റിലേറ്ററിൽ ചികിത്സയിലായിരുന്ന ഗർഭിണി മരിച്ചു. പയ്യോളി സ്വദേശിനി ഷമീമയാണ് മരിച്ചത്. ഏഴുമാസം ഗർഭിണിയായിരുന്ന ഷമീമ ഒന്നരമാസത്തോളം വെന്റിലേറ്ററിൽ ചികിത്സയിലായിരുന്നു. ചികിത്സയിലിരിക്കെ ഇന്നലെയാണ് മരണം സംഭവിച്ചത്. ഭർത്താവ് നവാസിന്റെ ക്രൂരമായ മർദനത്തെ തുടർന്നാണ് ഷമീമ അബോധാവസ്ഥയിലായതെന്നും പിന്നീട് മരിച്ചതെന്നും കുടുംബം ആരോപിച്ചു. നവാസ് ഷമീമയെ നിരന്തരം ശാരീരികമായി ഉപദ്രവിച്ചിരുന്നതായും ഇതാണ് മരണത്തിലേക്ക് നയിച്ചതെന്നുമാണ് ബന്ധുക്കളുടെ പരാതി. ആറുമാസം ഗർഭിണിയായിരിക്കെയാണ് ഷമീമയെ ആശുപത്രിയിൽ പ്രവേശിപ്പിച്ചത്. ആശുപത്രിയിലെത്തിക്കുമ്പോൾ നില അതീവ ഗുരുതരമായിരുന്നുവെന്ന് ബന്ധുക്കൾ പറയുന്നു. […]