തിരുവനന്തപുരം: സ്പീക്കര്‍ സ്ഥാനത്തേക്ക് തിരഞ്ഞെടുക്കപ്പെട്ടതിൽ സന്തോഷം പ്രകടിപ്പിച്ച് തിരുവഞ്ചൂര്‍ രാധാകൃഷ്ണന്‍. പാര്‍ട്ടി ഏല്‍പ്പിച്ച വലിയ ഉത്തരവാദിത്തമാണ് ഇത്. സഭയ്ക്കകത്ത് പക്ഷമുണ്ടാകാന്‍ പാടില്ല. എന്നാൽ, രാഷ്ട്രീയാഭിപ്രായം പണയംവെച്ചുപോകുന്ന അരാഷ്ട്രീയവാദി ആകണം എന്ന അഭിപ്രായമില്ല. എല്ലാ അർത്ഥത്തിലും നീതിബോധത്തോടും നീതിനിഷ്ടയോടും മുന്നോട്ടു പോകുമെന്നും വ്യക്തമാക്കി. ഈ ചുമതല നിറവേറ്റാനുള്ള ഉത്തരവാദിത്ത ബോധം തനിക്കുണ്ടെന്ന് തിരുവഞ്ചൂര്‍ രാധാകൃഷ്ണന്‍ പറഞ്ഞു. ഈ ചുമതല നിര്‍വഹിക്കാന്‍ തനിക്ക് കഴിയുമെന്ന് കണ്ടെത്തിയതില്‍ സന്തോഷമുണ്ട്. മന്ത്രിസ്ഥാനവും സ്പീക്കര്‍ സ്ഥാനവും തമ്മിൽ താരതമ്യം ചെയ്യാനാവില്ല. പാർട്ടിയോടും നേതൃസ്ഥാനത്തോടും ബഹുമാനവും […]