ദൈവങ്ങളുടെ പേരില് സത്യപ്രതിജ്ഞ; തിരുവനന്തപുരത്തെ 20 ബിജെപി കൗണ്സിലര്മാര്ക്ക് നോട്ടീസ് അയച്ച് ഹൈക്കോടതി
തിരുവനന്തപുരം: തദ്ദേശ തെരഞ്ഞെടുപ്പിലെ വിജയത്തിന് പിന്നാലെ ദൈവങ്ങളുടെ പേരില് സത്യപ്രതിജ്ഞ ചെയ്ത 20 കൗണ്സിലര്മാര്ക്ക് ഹൈക്കോടതി നോട്ടീസ്. തിരുവനന്തപുരം കോര്പ്പറേഷനിലെ 20 ബിജെപി കൗണ്സിലര്മാര്ക്കാണ് നോട്ടീസ് അയച്ചത്. സിപിഐഎം പാര്ലമെന്ററി പാര്ട്ടി നേതാവും കൗണ്സിലറുമായ എസ് പി ദീപക്കിന്റെ ഹര്ജിയിലാണ് നടപടി. ഹര്ജി ഹൈക്കോടതി ഫയലില് സ്വീകരിച്ചു. പല ദൈവങ്ങളുടെ പേരിലും ബലിദാനികളുടെ പേരിലും ചെയ്ത സത്യപ്രതിജ്ഞ ചെയ്തവരെ അസാധുവാക്കണം എന്നാവശ്യപ്പെട്ടാണ് ഹര്ജി. ദൈവനാമത്തില് എന്നതിന് പകരം പല ദൈവങ്ങളുടെ പേര് എങ്ങനെ പറയാനാകുമെന്നാണ് കോടതിയുടെ ചോദ്യം.
Read more
