തിരുവനന്തപുരം: വെടിവച്ചാംകോവിലിൽ 17കാരൻ ശിവസൂര്യ കൊല്ലപ്പെട്ട സംഭവത്തിൽ ഗുരുതര ആരോപണങ്ങളുമായി കുടുംബം. പ്രതികൾ കരുതിക്കൂട്ടി നടത്തിയ ആക്രമണമാണ് കൊലപാതകത്തിന് പിന്നിലെന്നാണ് പിതാവ് സുരേഷ് കുമാറിന്റെ ആരോപണം. “അബദ്ധത്തിൽ ചില്ല് ഗ്ലാസിൽ വീണതല്ല, ഗ്ലാസ് കഷ്ണങ്ങൾ ഉപയോഗിച്ച് കുത്തിക്കൊലപ്പെടുത്തിയതാകാമെന്ന് സംശയിക്കുന്നു” എന്ന് അദ്ദേഹം മാധ്യമങ്ങളോട് പ്രതികരിച്ചു. മകനെ ലക്ഷ്യമിട്ട് പ്രതികൾ എത്തിയതാണെന്നും, നീതി ലഭിക്കാൻ ഏതറ്റം വരെയും പോകുമെന്നും പിതാവ് പറഞ്ഞു. സംഭവ ദിവസം ഐടിഐ പ്രവേശനത്തിനായി അക്ഷയ സെന്ററിലേക്ക് പോയ ശിവസൂര്യ പിന്നീട് ചേതനയറ്റ നിലയിൽ ആശുപത്രിയിലെത്തുകയായിരുന്നു. […]