കണ്ണൂർ/തിരുവനന്തപുരം: കോൺഗ്രസിൽ മുഖ്യമന്ത്രി സ്ഥാനത്തെക്കുറിച്ചുള്ള ചർച്ചകളിൽ പ്രതികരിച്ച് കെപിസിസി അധ്യക്ഷൻ സണ്ണി ജോസഫ്. മുഖ്യമന്ത്രി സ്ഥാനത്തെക്കുറിച്ചുള്ള തീരുമാനം ഹൈക്കമാൻഡ് എടുക്കുമെന്നും എല്ലാവരും അത് അംഗീകരിക്കുമെന്നും അദ്ദേഹം പറഞ്ഞു. മാധ്യമങ്ങൾക്ക് ഇത്തരം ചർച്ചകളിൽ നിയന്ത്രണം വേണമെന്നും അദ്ദേഹം അഭിപ്രായപ്പെട്ടു. മുതിർന്ന നേതാവ് രമേശ് ചെന്നിത്തലയുടെ പേരിൽ വന്ന പരസ്യം ശ്രദ്ധയിൽപ്പെട്ടില്ലെന്നും അദ്ദേഹം പ്രതികരിച്ചു. സംസ്ഥാനത്ത് ലോഡ് ഷെഡിങ് ഇല്ലെന്ന സർക്കാർ വാദം തള്ളി, ജനങ്ങൾക്ക് പവർകട്ട് അനുഭവപ്പെടുന്നുണ്ടെന്നും സണ്ണി ജോസഫ് പറഞ്ഞു. സർക്കാർ യാഥാർഥ്യം മറയ്ക്കുകയാണെന്നും അദ്ദേഹം വിമർശിച്ചു. […]