കോട്ടയം: കോട്ടയത്ത് കഞ്ചാവ് ലഹരിയിൽ യുവാക്കളുടെ അക്രമം. ചോദ്യം ചെയ്ത നാട്ടുകാർക്ക് നേരെ തിരിഞ്ഞ യുവാക്കൾ പ്രദേശത്ത് സംഘർഷാവസ്ഥ സൃഷ്ടിച്ചു. തുടർന്ന് നാട്ടുകാർ തന്നെ ഇവരെ പിടികൂടി പൊലീസിന് കൈമാറി. കോട്ടയം വാഴൂർ പാറാംതോട്ടിൽ ഞായറാഴ്ച വൈകിട്ടാണ് സംഭവം നടന്നത്. ലഹരിയുടെ സ്വാധീനത്തിലായിരുന്ന യുവാക്കൾ നടത്തിയ കല്ലേറിൽ സമീപത്തെ വീടുകളുടെ ജനൽചില്ലുകൾ തകർന്നു. സംഭവത്തെ തുടർന്ന് നാട്ടുകാർ ഇടപെട്ട് നാല് യുവാക്കളെ പിടികൂടി പള്ളിക്കത്തോട് പൊലീസിന് കൈമാറി. സംഭവത്തിൽ പൊലീസ് അന്വേഷണം ആരംഭിച്ചു.

കോട്ടയം: കോട്ടയം കൂട്ടിക്കലിൽ വീട്ടിനുള്ളിൽ ഗ്യാസ് സിലിണ്ടർ തുറന്നുവിട്ട് ഭീതി പരത്തിയ യുവാവിനെ പൊലീസ്-ഫയർഫോഴ്‌സ് സംഘം ചേർന്ന് കസ്റ്റഡിയിലെടുത്തു. കൂട്ടിക്കൽ സ്വദേശിയായ ഇബ്രാഹിമാണ് സംഭവത്തിൽ പിടിയിലായത്. ഞായറാഴ്ച രാവിലെയായിരുന്നു സംഭവം. വീട്ടിൽ അക്രമാസക്തനായി പെരുമാറുകയും ബഹളം വെക്കുകയും ചെയ്ത ഇബ്രാഹിം പിന്നീട് വീട്ടിലെ ഗ്യാസ് സിലിണ്ടർ തുറന്നുവിട്ടതായാണ് പൊലീസ് പറയുന്നത്. ബഹളത്തെ തുടർന്ന് ഇയാളുടെ അമ്മയും സഹോദരിയും വീട് വിട്ടിറങ്ങിയിരുന്നു. തുടർന്ന് വീട്ടിൽ നിന്ന് ഗ്യാസിന്റെ രൂക്ഷഗന്ധം അനുഭവപ്പെട്ടതോടെ നാട്ടുകാർ പരിഭ്രാന്തരായി പൊലീസിനെയും ഫയർഫോഴ്സിനെയും വിവരം അറിയിച്ചു. […]

കോട്ടയം: പാലാ നഗരസഭ ചെയർപേഴ്സൺ ദിയ പുളിക്കക്കണ്ടം രാജിവെക്കണമെന്ന് ആവശ്യപ്പെട്ട് കോൺഗ്രസ് കൗൺസിലർ ബിജു മാത്യൂസ്. സ്വതന്ത്ര കൂട്ടായ്മയുമായുള്ള സഹകരണം തുടരാനാകില്ലെന്നും കോൺഗ്രസ് പ്രവർത്തകരുടെ ആത്മാഭിമാനം സംരക്ഷിക്കേണ്ടത് അനിവാര്യമാണെന്നും അദ്ദേഹം പറഞ്ഞു. യുഡിഎഫ് കൗൺസിലർമാർ എല്ലാവരും ഒരേ നിലപാടിലാണെന്നും അവരുടെ വികാരം പാർട്ടി നേതൃത്വത്തെ അറിയിച്ചിട്ടുണ്ടെന്നും ബിജു മാത്യൂസ് വ്യക്തമാക്കി. അധികാരത്തേക്കാൾ പ്രധാനം ആത്മാഭിമാനമാണെന്നും നിലവിലെ നിലപാടിൽ നിന്ന് പിന്നോട്ടില്ലെന്നും അദ്ദേഹം കൂട്ടിച്ചേർത്തു. സ്വതന്ത്ര കൂട്ടായ്മയിൽ വിശ്വാസം നഷ്ടപ്പെട്ടതായി ആരോപിക്കുന്ന കോൺഗ്രസ് കൗൺസിലർമാർ, തങ്ങളുടെ സഹപ്രവർത്തകർക്കെതിരെ വ്യാജ […]