കോഴിക്കോട്: ഗവൺമെന്റ് പ്ലീഡർ, സ്പെഷ്യൽ പ്ലീഡർ നിയമനങ്ങളിൽ സർക്കാർ സംഘപരിവാർ അനുകൂല നിലപാട് സ്വീകരിക്കുന്നുവെന്ന ആരോപണവുമായി സിപിഎം നേതാവും എം.എൽ.എയുമായ പി.എ. മുഹമ്മദ് റിയാസ്. എ.ബി.വി.പി.യുടെ സജീവ പ്രവർത്തകനെ ഗവൺമെന്റ് പ്ലീഡർ പട്ടികയിൽ ഉൾപ്പെടുത്തിയെന്നാണ് അദ്ദേഹത്തിന്റെ ആരോപണം. പുതിയ സർക്കാർ അധികാരത്തിലെത്തിയതിന് പിന്നാലെ മുഖ്യമന്ത്രിയുടെ ഓഫീസിൽ സംഘപരിവാർ ബന്ധമുള്ളവരുടെ സ്വാധീനം വർധിച്ചുവെന്നും ഇക്കാര്യത്തിൽ കോൺഗ്രസ് നേതൃത്വം നിലപാട് വ്യക്തമാക്കണമെന്നും മുഹമ്മദ് റിയാസ് ആവശ്യപ്പെട്ടു. മുൻ മന്ത്രി പി. രാജീവും നിയമന നടപടികളെ വിമർശിച്ചു. ഗവൺമെന്റ് പ്ലീഡർമാരുടെ നിയമനത്തിൽ […]

കോഴിക്കോട്: സംഘപരിവാർ ബന്ധമുള്ളവരെ സർക്കാർ ഉന്നത സ്ഥാനങ്ങളിലേക്ക് നിയമിക്കുന്നുവെന്ന ആരോപണത്തിൽ പ്രതികരിച്ച് സമസ്ത. വിഷയം യുഡിഎഫ് ഗൗരവമായി പരിഗണിക്കുമെന്നാണ് പ്രതീക്ഷിക്കുന്നതെന്ന് എസ്‌വൈ‌എസ് സംസ്ഥാന സെക്രട്ടറി സമദ് പൂക്കോട്ടൂർ പറഞ്ഞു. വർഗീയതയ്‌ക്കെതിരെ വിട്ടുവീഴ്ചയില്ലാത്ത നിലപാട് സ്വീകരിച്ച വ്യക്തിയാണ് മുഖ്യമന്ത്രി വി.ഡി. സതീശനെന്നും ആ നിലപാടിൽ മാറ്റമുണ്ടായോയെന്നത് യുഡിഎഫ് പരിശോധിക്കേണ്ട വിഷയമാണെന്നും അദ്ദേഹം പറഞ്ഞു. മുസ്ലിം ലീഗ് ഇക്കാര്യം യുഡിഎഫിൽ ഉന്നയിക്കുമെന്നാണ് പ്രതീക്ഷിക്കുന്നതെന്നും സമദ് പൂക്കോട്ടൂർ കൂട്ടിച്ചേർത്തു. സംഘപരിവാർ ബന്ധമുള്ളവരെ പ്രധാന സ്ഥാനങ്ങളിൽ നിയമിക്കുന്നതിനെതിരെ സ്വാഭാവികമായും പ്രതിഷേധങ്ങൾ ഉയരുമെന്നും അത്തരം […]

കോഴിക്കോട്: കോഴിക്കോട് ജില്ലയിലെ അരൂരിലെ മാവേലി സ്റ്റോറിൽ ജീവനക്കാരിക്ക് പാമ്പുകടിയേറ്റു. താൽക്കാലിക ജീവനക്കാരിയായ വി.ടി. നിഷയുടെ കാലിലാണ് പാമ്പ് കടിച്ചത്. വെള്ളിയാഴ്ച വൈകിട്ടാണ് സംഭവം. പാമ്പുകടിയേറ്റ നിഷയെ ഉടൻ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. നിലവിൽ ചികിത്സയിലും നിരീക്ഷണത്തിലുമാണെന്നാണ് വിവരം. സംഭവത്തെ തുടർന്ന് കുറ്റ്യാടി വനവിഭാഗത്തെ വിവരം അറിയിക്കുകയായിരുന്നു. തുടർന്ന് റാപ്പിഡ് റെസ്പോൺസ് ടീം (ആർആർടി) സ്ഥലത്തെത്തി സ്റ്റോറിനുള്ളിൽ പാമ്പിനെ കണ്ടെത്താൻ തിരച്ചിൽ നടത്തിവരികയാണ്.