കിണറ്റിൽപ്പെട്ട പുള്ളിമാനിനെ രക്ഷപ്പെടുത്തി
പാലക്കാട്: ഒറ്റപ്പാലം പനമണ്ണയിൽ കിണറ്റിൽപ്പെട്ട പുള്ളിമാനിനെ രക്ഷപ്പെടുത്തി. രണ്ട് വയസ് പ്രായം തോന്നിക്കുന്ന മാനാണ് ആഴമേറിയകിണറ്റിൽ അകപ്പെട്ടത്. പനമണ്ണ പള്ളിക്കുന്ന് പണ്ഡാരപറമ്പിൽ മുഹമ്മദിൻ്റെ വീട്ടുമുറ്റത്തെ കിണറാണു മാനിനു കെണിയായത്. നായ്ക്കൾ കൂട്ടത്തോടെ തുരത്തിയപ്പോൾ ഓടി രക്ഷപ്പെടാനുള്ള ശ്രമത്തിനിടെയാണു മാൻ കിണറ്റിൽപ്പെട്ടത്. വനപാലകരെത്തി പ്രദേശവാസികളുടെ സഹായത്തോടെ വൈകിട്ടു നാലോടെയാണ് മാനിനെ പുറത്തെത്തിച്ചത്. അനങ്ങൻ മല വനമേഖലയോടു ചേർന്നുള്ള പ്രദേശമാണിത്. മാനിന് ആരോഗ്യപ്രശ്നങ്ങൾ ഇല്ലെന്നും സുരക്ഷിതമായി വനമേഖയിലേക്ക് തുറന്നുവിടുമെന്നും വനം വകുപ്പ് അറിയിച്ചു.
Read more
