Thrissur - Whiteswan TV News

കാട്ടുപന്നി ആക്രമണം; കുട്ടിക്ക് ആഴത്തിൽ പരിക്കേറ്റു

February 22, 2026

തൃശൂർ: കാട്ടകാമ്പാലിൽ വീടിനുള്ളിൽ കളിച്ചുകൊണ്ടിരുന്ന ഒൻപതുവയസ്സുകാരിക്ക് കാട്ടുപന്നിയുടെ ആക്രമണത്തിൽ പരിക്കേറ്റു.വാരിയെല്ലിന്റെ മുകൾഭാഗത്ത് ആഴത്തിൽ പരിക്ക് സംഭവിച്ചിട്ടുണ്ട്. ശനിയാഴ്ച ഉച്ചയ്ക്ക് പന്ത്രണ്ടോടെയായിരുന്നു സംഭവം. കാട്ടകാമ്പാൽ പഞ്ചായത്ത് ഓഫീസിനുസമീപം പെരുമ്പുള്ളി നഗറിൽ താമസിക്കുന്ന അന്നിക്കര സുബ്രഹ്‌മണ്യന്റെയും അശ്വതിയുടെയും മകൾ ദേവികയ്ക്കാണ് പരിക്കേറ്റത്. വീട്ടുകാർ ബഹളംവെച്ചതിനെത്തുടർന്ന് കാട്ടുപന്നി തൊട്ടടുത്തുള്ള റബ്ബർ തോട്ടത്തിലേക്ക് ഓടിമറഞ്ഞു. വാരിയെല്ലിന്റെ മുകൾഭാഗത്ത് ആഴത്തിൽ പരിക്കേറ്റ ദേവികയെ പഴഞ്ഞി കോട്ടോൽ പ്രൈമറി ഹെൽത്ത് സെന്ററിൽ പ്രവേശിപ്പിച്ചു. പ്രദേശത്ത് കാട്ടുപന്നിശല്യം രൂക്ഷമാണെന്ന് നാട്ടുകാർ പറഞ്ഞു.

ഗുരുവായൂർ ക്ഷേത്രഭണ്ഡാരത്തിൽ നിന്ന് നിരോധിച്ച നോട്ടുകൾ കണ്ടെത്തി

February 21, 2026

തൃശ്ശൂർ: ഗുരുവായൂർ ക്ഷേത്രത്തിലെ ഭണ്ഡാരത്തിൽ നിന്ന് നിരോധിച്ച നോട്ടുകൾ കണ്ടെത്തി. ഫെബ്രുവരി മാസത്തെ ഭണ്ഡാരം വരവ് എണ്ണിത്തിട്ടപ്പെടുത്തുമ്പോഴാണ് നിരോധിച്ച നോട്ടുകൾ കണ്ടെത്തിയത്. ആകെ 71,500 രൂപ മൂല്യം വരുന്ന 66 നിരോധിച്ച നോട്ടുകളാണ് കണ്ടെത്തിയത്. ഇതിൽ 33 എണ്ണം 500 രൂപയുടെ നോട്ടുകളാണ്. അവശേഷിക്കുന്ന 33ൽ 22 എണ്ണം രണ്ടായിരം രൂപയുടെ നോട്ടുകളും 11എണ്ണം 11000 രൂപ മൂല്യം വരുന്ന നോട്ടുകളുമാണ്. കഴിഞ്ഞ മാസങ്ങളിലെല്ലാം ഇതേ നിലയിൽ ഭണ്ഡാരത്തിൽ നിന്ന് നിരോധിച്ച നോട്ടുകൾ കണ്ടെത്തിയിരുന്നു. ആരാണ് ഇത്തരത്തിൽ […]

ശമ്പളവർധനവ് ആവശ്യപ്പെട്ട് നഴ്സുമാർ നാളെ പണിമുടക്കും; സ്വകാര്യ ആശുപത്രികൾ സ്തംഭിച്ചേക്കും

February 20, 2026

തൃശ്ശൂർ: ഭൂമിയിലെ മാലാഖമാർ എന്ന് എല്ലാവരും പറയുന്നുണ്ട്,പക്ഷെ അതിനു അനുസരിച്ച ശമ്പളമോ ബഹുമാനമോ കിട്ടുന്നില്ല. സ്വകാര്യ ആശുപത്രി മേഖലയിലെ നഴ്‌സുമാർ ഉൾപ്പെടെയുള്ള ജീവനക്കാർ വിവിധ ആവശ്യങ്ങൾ ഉന്നയിച്ച് സംസ്ഥാന വ്യാപകമായി ശനിയാഴ്ച പണിമുടക്കിന് ആഹ്വാനം ചെയ്തു. യുണൈറ്റഡ് നഴ്‌സസ് അസോസിയേഷന്റെ (യു.എൻ.എ.) നേതൃത്വത്തിലാണ് സൂചനാ പണിമുടക്ക്. പണിമുടക്കിന്റെ ഭാഗമായി തൃശ്ശൂരിൽ അവകാശ പ്രഖ്യാപന സമ്മേളനവും സംഘടിപ്പിക്കും. ‘അതിജീവനത്തിനായുള്ള പോരാട്ടം’ എന്ന മുദ്രാവാക്യമുയർത്തിയാണ് നഴ്‌സുമാരും മറ്റ് ആശുപത്രി ജീവനക്കാരും സമരം നടത്തുന്നത്. തുല്യജോലിക്ക് തുല്യ വേതനം, നഴ്‌സുമാർക്ക് അടിസ്ഥാന […]

ഷാപ്പില്‍ വെച്ച് യുവതിയെയും സുഹൃത്തിനെയും മർദിച്ച സംഭവത്തിൽ രണ്ട് പേർ പിടിയിൽ

February 18, 2026

തൃശ്ശൂർ: അന്തിക്കാട് പുള്ള് താമരപ്പാടം ഷാപ്പില്‍ വെച്ച് യുവതിയെയും സുഹൃത്തിനെയും ആക്രമിച്ച് പരിക്കേല്‍പ്പിച്ച കേസില്‍ രണ്ടു പേര്‍ അറസ്റ്റില്‍. തൃശൂര്‍ ദിവാന്‍ജിമൂല സ്വദേശികളായ ഷാനിബ് (25), അല്‍ത്താഫ് (24) എന്നിവരെയാണ് തൃശൂര്‍ റൂറല്‍ പൊലീസ് അറസ്റ്റ് ചെയ്തത്. ഈ മാസം 14ന് വൈകീട്ട് 5.30 ഓടെയായിരുന്നു ആക്രമണം. ഷാപ്പില്‍ ഭക്ഷണം കഴിക്കാനെത്തിയ വടൂക്കര സ്വദേശി അലനും സുഹൃത്തായ യുവതിക്കും നേരെയായിരുന്നു ആക്രമണം. അലന്റെ പേരിലുള്ള പഴയ ക്രിമിനല്‍ കേസുകളെക്കുറിച്ച് പ്രതികള്‍ സംസാരിക്കാന്‍ തുടങ്ങിയപ്പോള്‍ കേസുകളെക്കുറിച്ച് പറയേണ്ട എന്ന് […]

25 കോടി ചെലവിൽ നിർമിച്ച ഗുരുവായൂർ സർക്കാർ ഗസ്റ്റ് ഹൗസ് 19ന് ഉദ്ഘാടനം

February 16, 2026

തൃശ്ശൂർ: ജില്ലയിൽ ഏറ്റവും ആധുനിക സൗകര്യങ്ങളോടുകൂടി 25 കോടി രൂപ ചെലവിൽ നിർമിച്ച പുതിയ സർക്കാർ അതിഥി മന്ദിരം ഫെബ്രുവരി 19ന് ഉദ്ഘാടനം ചെയ്യും. രാവിലെ 10ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ഉദ്ഘാടനം നിർവഹിക്കും. ചടങ്ങിൽ എൻ കെ അക്ബർ എംഎൽഎ അധ്യക്ഷത വഹിക്കും.ഗുരുവായൂർ കിഴക്കെനടയിൽ മഞ്ജുളാലിന് സമീപം നിർമിച്ച ഗസ്റ്റ് ഹൗസ് ഭൂഗർഭ പാർക്കിങ് സൗകര്യമുൾപ്പെടെ എട്ട് നിലകളിലായി 60,000 ചതുരശ്ര അടിയിലാണ് നിർമിച്ചിരിക്കുന്നത്. ആകെ 55 മുറികളാണ് അതിഥി […]

പോർക്കുളം എംകെഎം യു.പി. സ്കൂളിൽ നൂറ്റി ഇരുപത്തിയൊന്നാം വാർഷികാഘോഷം ഇന്ന്

February 16, 2026

തൃശ്ശൂർ: പോർക്കുളം എം.കെ.എം. യു.പി. സ്കൂളിൽ നൂറ്റി ഇരുപത്തിയൊന്നാം സ്കൂൾ വാർഷികവും അധ്യാപക– രക്ഷാകർതൃദിനവും യാത്രയയപ്പും ഇന്ന് വിപുലമായ പരിപാടികളോടെ ആഘോഷിക്കുന്നു. കോർപ്പറേറ്റ് മാനേജർ ഫാ. വർഗ്ഗീസ് വാഴപ്പിള്ളി അധ്യക്ഷനായുള്ള യോഗം ചൊവ്വന്നൂർ ബ്ലോക്ക് പഞ്ചായത്ത് പ്രസിഡൻ്റ് രഘുനാഥൻ സി.ജി ഉദ്ഘാടനം നിർവഹിക്കും. മലബാർ സ്വതന്ത്ര സുറിയാനി സഭ പരമാദ്ധ്യക്ഷൻ സിറിൾ മാർ ബസ്സേലിയോസ് മെത്രാപ്പോലീത്ത മുഖ്യാതിഥിയായിരിക്കും.ദീർഘകാല സേവനത്തിന് ശേഷം സർവീസിൽ നിന്നും വിരമിക്കുന്ന ബേബി ടീച്ചർക്ക് ചടങ്ങിൽ യാത്രയയപ്പ് നൽകും. ഫോട്ടോ അനാച്ഛാദനം പോർക്കുളം ഗ്രാമപഞ്ചായത്ത് […]

അൻസാർ ആശുപത്രിയിൽ ചികിത്സയിലുള്ള കുട്ടികളെ സന്ദർശിച്ച് എസി മൊയ്തീൻ എംഎൽഎ

February 16, 2026

തൃശ്ശൂർ: കുന്നംകുളം നിയോജകമണ്ഡലത്തിലെ എ സി മൊയ്തീൻ എംഎൽഎ അൻസാർ ഹോസ്പിറ്റലിൽ ചികിത്സയിൽ കഴിയുന്ന കുട്ടികളെ സന്ദർശിച്ചു.അൻസാർ ഇംഗ്ലീഷ് മീഡിയം സ്കൂളിലെ വിദ്യാർഥികളാണ് ചികിത്സ തേടിയിട്ടുള്ളത്. സംഭവത്തിൽ ഭക്ഷ്യവിഷബാധയാണെന്ന പ്രാഥമിക നിഗമനത്തിലാണ് ആരോഗ്യവകുപ്പ്. ആരോഗ്യ, വിദ്യാഭ്യാസ വകുപ്പ് ഉദ്യോഗസ്ഥർ സ്കൂളിലും പരിസര പ്രദേശങ്ങളിലും വിശദമായ പരിശോധന നടത്തി. കുട്ടികൾ ഉപയോഗിച്ച കുടിവെള്ളത്തിന്റെ സാമ്പിളുകൾ വിദഗ്ദ പരിശോധനയ്ക്കായി അയച്ചിട്ടുണ്ടെന്നും അധികൃതർ അറിയിച്ചു.വിദ്യാർഥികളുടെ ആരോഗ്യനില തൃപ്തികരമാണെന്നും, ആശങ്കപ്പെടേണ്ട സാഹചര്യമില്ലെന്നും എംഎൽഎ അറിയിച്ചു. സംഭവത്തിൽ സമഗ്ര അന്വേഷണം നടത്തി ആവശ്യമായ തുടർനടപടികൾ […]

ഗ്രാമീണ റോഡുകൾ നാടിന് കരുത്തായി

February 16, 2026

തൃശ്ശൂർ: തൃശ്ശൂർ ജില്ലയിലെ പുത്തൂർ ഗ്രാമപഞ്ചായത്തിലെ നമ്പ്യാർ റോഡിന്റെയും വലപ്പാട് ഗ്രാമപഞ്ചായത്തിലെ ചൂലൂർ മുറിയംതോട് റോഡിന്റെയും ഉദ്ഘാടനം ഇന്നലെ നടന്നു. ഉദ്ഘാടനം നിർവഹിച്ചത് സുരേഷ് ഗോപി എംപി ആയിരുന്നു.ദേശീയ ഗ്രാമീണ റോഡ് വികസന പദ്ധതിയുടെ ഭാഗമായി പൂർത്തിയാക്കിയ ഈ റോഡുകൾ പ്രദേശത്തെ യാത്രാസൗകര്യങ്ങൾ ഗണ്യമായി മെച്ചപ്പെടുത്തുകയും, ഗ്രാമീണ മേഖലയിലെ വ്യാപാരവും സാമ്പത്തിക പ്രവർത്തനങ്ങളും ശക്തിപ്പെടുത്തുകയും ചെയ്യും. ജനങ്ങളുടെ ദൈനംദിന യാത്രാദുരിതങ്ങൾക്ക് ശാശ്വത പരിഹാരമാകുന്ന ഗുണമേന്മയുള്ള റോഡുകൾ ഓരോ ഗ്രാമത്തിന്റെയും അവകാശമാണെന്ന് ഉദ്ഘാടന ചടങ്ങിൽ എംപി വ്യക്തമാക്കി. പദ്ധതികൾ […]

പോട്ട മുതൽ ചാലക്കുടി വരെ ഫ്ലൈ ഓവർ വേണം

February 15, 2026

തൃശ്ശൂർ: ദേശീയ പാതയിൽ പോട്ട മേൽപ്പാലം മുതൽ ചാലക്കുടി മേൽപ്പാലം വരെ ഫ്ലൈ ഓവർ സ്ഥാപിച്ച രൂക്ഷമായ ഗതാഗത പ്രശ്നത്തിനും, വാഹനാപകടത്തിനും പരിഹാരം ഉണ്ടാക്കണമെന്നും ചാലക്കുടി പോട്ട നാഷണൽ ഹൈവേയിൽ എൻഎച്ച്ഐയുടെ നിലവിലെ അശാസ്ത്രീയ വികസന നടപടികൾ പിൻവലിക്കണം എന്നും ക്രാക്ക്റ്റ് ഭരണസമിതി യോഗം കേന്ദ്ര ഗതാഗത വകുപ്പ് മന്ത്രിക്ക് നൽകിയ നിവേദനത്തിൽ ആവശ്യപ്പെട്ടു പോട്ട ആശ്രമം ജംഗ്ഷനിൽ അടിപ്പാത നിർമ്മിക്കാനുള്ള നാഷണൽ ഹൈവേ അതോറിറ്റിയുടെ തീരുമാനം തികച്ചും അശാസ്ത്രീയമാണ് .പോട്ട മേൽപ്പാലം ഇറങ്ങി100 മീറ്ററുകൾക്കപ്പുറം ആശ്രമം […]

മേലൂർ പഞ്ചായത്തിൽ പാടശേഖരത്തേക്കുള്ള വെള്ളം പോത്തുകൾക്ക് കുടിക്കാനായി കെട്ടിത്തിരിച്ചെന്ന് പരാതി

February 15, 2026

തൃശ്ശൂർ: ചാലക്കുടി മേലൂർ പഞ്ചായത്തിൽ പാടത്തേക്കുള്ള വെള്ളം പോത്തുകൾക്ക് കിടക്കാനായി കെട്ടിത്തിരിച്ചെന്ന് പരാതി ഇതിനെ തുടർന്ന് പാടശേഖരം വറ്റി വരണ്ടുണങ്ങി. മേലൂർ പഞ്ചായത്ത്‌ കൊമ്പിച്ചാലിൽ കീഴാറ സൈജുവിന്റെ രണ്ട് ഏക്കർ നെൽപ്പാടമാണ് വെള്ളം കിട്ടാതെ വരണ്ടുണങ്ങിയത്.കൃഷി മേഖലയുമായി ബന്ധപ്പെട്ട ജോലിയുടെ ആവശ്യത്തിനു പോയി വന്നപ്പോഴായിരുന്നു നെൽപ്പാടം വരണ്ട് ഉണങ്ങി കിടക്കുന്നത് കർഷകൻ കാണുന്നത്. ഇതേക്കുറിച്ച് അന്വേഷിച്ചപ്പോൾ പാടത്ത് പലയിടത്തായി പോത്തുകൾക്ക് കിടക്കാൻ കുഴികളും കൂടാതെ വെള്ളത്തെ ബണ്ടു കെട്ടി തിരിച്ചതായും കണ്ടെത്തി. ഉടൻ തന്നെ കെട്ട് പൊട്ടിച്ച് […]