തൃശ്ശൂർ: കടലിലെ ചൂട് കൂടിയതിനെ തുടർന്ന് തീരദേശ മേഖലയിൽ മത്സ്യക്ഷാമം രൂക്ഷമായതായി റിപ്പോർട്ട്. മത്സ്യം ലഭിക്കാതായതോടെ മത്സ്യത്തൊഴിലാളികൾ വലിയ പ്രതിസന്ധിയിലാണ്. മത്സ്യബന്ധനത്തിന് പോകുന്ന ബോട്ടുകളും വള്ളങ്ങളും ദിവസങ്ങളായി കടലിൽ ഇറങ്ങാതെ തീരത്ത് കെട്ടിയിട്ടിരിക്കുകയാണ്. പുറപ്പെട്ടാലും ആവശ്യത്തിന് മത്സ്യം ലഭിക്കാത്തതാണ് കാരണം. ഡീസൽ, മണ്ണെണ്ണ വില വർധിച്ചതും പ്രതിസന്ധി കൂടുതൽ രൂക്ഷമാക്കിയതായി തൊഴിലാളികൾ പറയുന്നു. കൂലിച്ചെലവ് പോലും ലഭിക്കാത്ത അവസ്ഥയിലാണെന്ന് മത്സ്യത്തൊഴിലാളികൾ പറയുന്നു. അഴീക്കോട് ഹാർബർ ഉൾപ്പെടെയുള്ള പ്രദേശങ്ങളിലെ തൊഴിലാളികളും അനുബന്ധ മേഖലയിൽ പ്രവർത്തിക്കുന്നവരും കടുത്ത സാമ്പത്തിക ബുദ്ധിമുട്ടിലാണ്. […]