കോഴിക്കോട്: തദ്ദേശ ഉപതിരഞ്ഞെടുപ്പ് ഫലം യു.ഡി.എഫ് ഗൗരവമായി പരിശോധിക്കണമെന്ന് സമസ്ത മുഖപത്രമായ ‘സുപ്രഭാതം’. തുടർച്ചയായ വിവാദങ്ങൾ സർക്കാരിന്റെ പ്രതിച്ഛായയെ ബാധിച്ചിട്ടുണ്ടോയെന്ന് പരിശോധിക്കണമെന്നും അധികാരസ്ഥാനത്തിരിക്കുന്നവർ സ്വകാര്യ സൗകര്യങ്ങൾ ഉപയോഗിക്കുന്നതിൽ കൂടുതൽ സുതാര്യത വേണമെന്നും ‘ആദ്യപരീക്ഷണത്തിലെ രാഷ്ട്രീയ സന്ദേശം’ എന്ന മുഖപ്രസംഗത്തിൽ പറയുന്നു. സെപ്റ്റംബർ 29ന് പുറത്തുവന്ന തദ്ദേശ ഉപതിരഞ്ഞെടുപ്പ് ഫലത്തിൽ യു.ഡി.എഫ് 19 സീറ്റുകളും എൽ.ഡി.എഫ് 18 സീറ്റുകളും നേടിയിരുന്നു. വി.ഡി. സതീശൻ സർക്കാർ അധികാരത്തിലെത്തി 135 ദിവസത്തിനിടെ ഉയർന്നുവന്ന വിവാദങ്ങളെ ഭരണത്തിന്റെ ആദ്യഘട്ടത്തിലെ സ്വാഭാവിക രാഷ്ട്രീയ ബലപരീക്ഷണങ്ങളായി […]