തിരുവനന്തപുരം: ചാർട്ടേഡ് വിമാനയാത്രയുമായി ബന്ധപ്പെട്ട് മുഖ്യമന്ത്രി വി.ഡി. സതീശനെതിരെ കേസെടുക്കണമെന്ന് ആവശ്യപ്പെട്ടുള്ള ഹർജി പരിഗണിക്കുന്നത് ലോകായുക്ത മാറ്റിവെച്ചു. അടുത്ത മാസം ആറിലേക്കാണ് ഹർജി പരിഗണിക്കുന്നത് മാറ്റിയത്. പൊതുപ്രവർത്തകനായ കെ.എം. ഷാജഹാനാണ് അഴിമതി ആരോപണം ഉന്നയിച്ച് ലോകായുക്തയെ സമീപിച്ചത്. മുഖ്യമന്ത്രിയുടെ സ്‌പോൺസർ ചെയ്ത വിമാനയാത്രയിൽ അഴിമതിയുണ്ടെന്നും ഇതുസംബന്ധിച്ച് അന്വേഷണം നടത്തി തുടർനടപടികൾ സ്വീകരിക്കണമെന്നുമാണ് ഹരജിയിലെ പ്രധാന ആവശ്യം. ജനപ്രതിനിധികളുടെയും മന്ത്രിമാരുടെയും അഴിമതി തടയുന്നതിനായി ജുഡീഷ്യൽ അധികാരങ്ങളോടെ പ്രവർത്തിക്കുന്ന സംവിധാനമാണ് ലോകായുക്ത. അതേസമയം, സ്‌പോൺസർ ചെയ്തുള്ള വിമാനയാത്ര അഴിമതിയായി കണക്കാക്കാനാകുമോ […]