വല വലിക്കുന്നതിനിടെ കപ്പി ഒടിഞ്ഞ് തലയിൽ വീണ് മത്സ്യത്തൊഴിലാളി മരിച്ചു
കോഴിക്കോട്: മത്സ്യബന്ധനത്തിനിടെ വല വലിച്ചുകയറ്റാനുപയോഗിക്കുന്ന വലിയ കപ്പി പൊട്ടി തലയില് വീണ് മത്സ്യതൊഴിലാളി മരിച്ചു. എലത്തൂര് പുതിയനിരത്ത് സ്വദേശി വാമനന് ആണ് മരിച്ചത്. കോഴിക്കോട് ചോമ്പാല് ഭാഗത്താണ് അപകടം നടന്നത്. കടലില് വല വലിക്കുന്നതിനിടെ മറ്റൊരു ബോട്ടിലെ വലയുമായി ഉടക്കിപ്പോവുകയായിരുന്നു. തുടർന്ന് ശക്തമായി വലിക്കുന്നതിനിടെ കപ്പി പൊട്ടി വാമനന്റെ തലയില് വീണു. ഗുരുതരമായി പരിക്കേറ്റ വാമനനെ പെട്ടെന്ന് തന്നെ ബോട്ട് ഹാര്ബറില് അടുപ്പിച്ച് വടകരയിലെ ആശുപത്രിയില് എത്തിച്ചെങ്കിലും രക്ഷിക്കാനായില്ല.
Read more
