ഇടുക്കി: ആനയിറങ്കലിൽ കുഴഞ്ഞുവീണ നിലയിൽ കണ്ടെത്തിയ യുവതിയുടെ മരണം കൊലപാതകമാണെന്ന് പോലീസ്. ശങ്കരപാണ്ഡ്യൻമേട് സ്വദേശി ജഗൻമോഹന്റെ ഭാര്യ ശാന്തി (36)യാണ് കൊല്ലപ്പെട്ടത്. സംഭവത്തിൽ ജഗൻമോഹന്റെ സഹോദരിയുടെ ഭർത്താവായ രാമകൃഷ്ണൻ (50) അറസ്റ്റിലായി. തിങ്കളാഴ്ച ഉച്ചയ്ക്ക് രണ്ടുമണിയോടെ വീട്ടിലെ കിടപ്പുമുറിയിലാണ് ശാന്തിയെ അബോധാവസ്ഥയിൽ കണ്ടെത്തിയത്. ജഗൻമോഹൻ വീട്ടിലെത്തിയപ്പോഴാണ് ശാന്തി ബോധരഹിതയായി കിടക്കുന്നത് കണ്ടത്. തുടർന്ന് പൂപ്പാറയിലെ സ്വകാര്യ ആശുപത്രിയിലെത്തിച്ചെങ്കിലും മരണം സംഭവിച്ചു. ശാന്തിക്ക് ജീവിതശൈലീരോഗങ്ങൾ ഉണ്ടായിരുന്നതിനാൽ ആദ്യം മരണത്തിൽ ദുരൂഹതയുണ്ടെന്ന സംശയം ഉയർന്നിരുന്നില്ല. എന്നാൽ ശാന്തൻപാറ പോലീസിന് സംശയം […]