ന്യൂഡൽഹി: പാർട്ടിയുടെയും മമത ബാനർജിയുടെയും ശക്തമായ വക്താവായി അറിയപ്പെടുന്ന ജാദവ്പുര്‍ എംപിയും നടിയുമായ സയോണി ഘോഷ് വിമതപക്ഷത്തിനൊപ്പമാണെന്ന വാർത്തകളാണ് പുറത്തുവരുന്നത്. വിമതപക്ഷത്തോടൊപ്പം ചേർന്നതായി സയോണി ഇതുവരെ ഔദ്യോഗികമായി സ്ഥിരീകരിച്ചിട്ടില്ല. എന്നാൽ, പാർട്ടിയിലെ അസംതൃപ്തരായ എംപിമാരുമായി അവർ ബന്ധപ്പെട്ടതായും വിമതരെ പിന്തുണയ്ക്കുന്ന രേഖകളിൽ ഒപ്പുവെച്ചതായും ദേശീയ മാധ്യമങ്ങൾ റിപ്പോർട്ട് ചെയ്യുന്നു. വിമതനീക്കത്തിന് നേതൃത്വം നൽകുന്ന നേതാക്കളുമായി സയോണി ആശയവിനിമയം നടത്തിയതായും സൂചനകളുണ്ട്. പശ്ചിമ ബംഗാൾ നിയമസഭാ തിരഞ്ഞെടുപ്പിലേറ്റ തിരിച്ചടിക്ക് പിന്നാലെ പാർട്ടിക്കുള്ളിൽ രൂപപ്പെട്ട അതൃപ്തിയാണ് നിലവിലെ പ്രതിസന്ധിക്ക് കാരണമായതെന്നാണ് […]