October 21, 2025 - Whiteswan TV News

സംസ്ഥാന സ്‌കൂള്‍ കായികമേളയ്ക്ക് തുടക്കം, മാര്‍ച്ച് പാസ്റ്റില്‍ കോഴിക്കോട് ഒന്നാമത്

October 21, 2025

തിരുവനന്തപുരം: സംസ്ഥാന സ്‌കൂള്‍ കായികമേളയ്ക്ക് തിരുവനന്തപുരത്ത് തുടക്കമായി. ധനമന്ത്രി കെ എന്‍ ബാലഗോപാല്‍ കായിക മേള ഉദ്ഘാടനം ചെയ്തു. മുന്‍ ഇന്ത്യന്‍ ഫുട്‌ബോള്‍ താരം ഐഎം വിജയനും മന്ത്രി വി ശിവന്‍ കുട്ടിയും ചേര്‍ന്ന് ദീപശിഖ തെളിയിച്ചു. കായിക മേളയില്‍ തീം സോങും അവതരിപ്പിച്ചു. ഇതാദ്യമായാണ് സ്‌കൂള്‍ കായിക മേളയില്‍ തീം സോങ് അവതരിപ്പിക്കുന്നത്. കായിക മേളയില്‍ നടന്ന മാര്‍ച്ച് പാസ്റ്റില്‍ കോഴിക്കോട് ജില്ലയ്ക്ക് ഒന്നാം സ്ഥാനവും, വയനാടിന് രണ്ടാം സ്ഥാനവും കണ്ണൂരിന് മൂന്നാം സ്ഥാനവും ലഭിച്ചു. […]

ഇന്ത്യന്‍ നേവി നിര്‍മിച്ച ഡോക്യുമെന്ററി ‘ജല്‍കന്യ’ വരുന്നു

October 21, 2025

പ്രധാനമന്ത്രി നരേന്ദ്ര മോദിയുടെ ‘ബേട്ടി ബച്ചാവോ, ബേട്ടി പഠാവോ’ എന്ന ക്യാമ്പെയ്നില്‍ നിന്ന് പ്രചോദനം ഉള്‍ക്കൊണ്ട് ഇന്ത്യന്‍ നേവി നിര്‍മിച്ച ‘ജല്‍കന്യ’ എന്ന ഡോക്യുമെന്ററി നാവിക സേനാ ദിനത്തില്‍ അനാച്ഛാദനം ചെയ്യും. ചലച്ചിത്ര നിര്‍മാതാക്കളായ സഞ്ജീവ് ശിവനും ദീപ്തി ശിവനും ചേര്‍ന്നാണ് ഡോക്യുമെന്ററി സംവിധാനം ചെയ്തത്. ഡിസംബര്‍ നാലിന് തിരുവനന്തപുരത്താണ് ഔദ്യോഗിക അനാച്ഛാദനം നടക്കുന്നത്. ഇന്ത്യന്‍ രാഷ്ട്രപതിയും പ്രധാനമന്ത്രിയും ചടങ്ങില്‍ മുഖ്യാതിഥികളായി പങ്കെടുക്കും. ഇന്ത്യയിലുടനീളമുള്ള പെണ്‍കുട്ടികളുടെ സര്‍ഗാത്മകതയും പ്രതിരോധ ശേഷിയും ആഘോഷിക്കുകയും പ്രചരിപ്പിക്കുകയും ചെയ്യുന്ന ഡോക്യുമെന്ററിയാണ് ‘ജൽകന്യ’. […]

“എന്റെ സഹനടനേക്കാള്‍ കുറഞ്ഞ പ്രതിഫലം എനിക്ക് ലഭിച്ചിട്ടുണ്ട്”: മനസ്സുതുറന്ന് പ്രിയാമണി

October 21, 2025

അമീർ സംവിധാനം ചെയ്ത് കാർത്തി നായകനായി എത്തിയ ‘പരുത്തിവീരൻ’ എന്ന ചിത്രത്തിലൂടെ മികച്ച നടിക്കുള്ള ദേശീയ പുരസ്കാരം സ്വന്തമാക്കിയ നടിയാണ് പ്രിയാമണി. മലയാളം, തമിഴ് തുടങ്ങീ തെന്നിന്ത്യൻ സിനിമകളിലെല്ലാം സജീവമായ പ്രിയാമണി ബോളിവുഡിലും മികച്ച സിനിമകളുടെ ഭാഗമായിട്ടുണ്ട്. മലയാളത്തിൽ ജിത്തു അഷ്‌റഫ് സംവിധാനം ചെയ്ത ഓഫീസർ ഓൺ ഡ്യൂട്ടി എന്ന ചിത്രത്തിൽ മികച്ച പ്രകടനമായിരുന്നു പ്രിയാമണി കാഴ്ചവെച്ചത്. തമിഴ് സൂപ്പർ താരം വിജയ് നായകനായി എത്തുന്ന അവസാന ചിത്രം ‘ജനനായകനി’ലും പ്രിയാമണി പ്രധാന കഥാപാത്രത്തെ അവതരിപ്പിക്കുന്നുണ്ട്. ഇപ്പോഴിതാ […]

ഖമേനിയുടെ വിശ്വസ്തൻ്റെ മകളുടെ വിവാഹത്തിൽ വിമർശനം

October 21, 2025

തെഹ്‌റാൻ: ഇറാനിലെ കർശന ഹിജാബ് നിയമങ്ങൾ പാലിക്കുന്നതിന് പ്രശസ്തനായ അലി ഷംഖാനിയുടെ മകളുടെ വിവാഹചടങ്ങ് വലിയ വിവാദങ്ങൾക്ക് വഴിതെളിച്ചു. 2024-ൽ ടെഹ്‌റാനിലെ ആഡംബര എസ്പിനാസ് പാലസ് ഹോട്ടലിൽ നടന്ന വിവാഹത്തിൽ യുവതി സ്ട്രാപ്‌ലെസ്, ലോ-കട്ട് ഗൗണിൽ എത്തിയത് സോഷ്യൽ മീഡിയയിൽ ചർച്ചയ്ക്ക് കാരണമായി. ഇറാനിലെ ഏറ്റവും മുതിർന്ന പ്രതിരോധ, ദേശീയ സുരക്ഷാ ഉദ്യോഗസ്ഥനുമായ, പരമോന്നത നേതാവ് അലി ഖമേനിയുടെ വിശ്വസ്തനായ ഷംഖാനി, സ്ത്രീകളുടെ ഹിജാബ് നിർബന്ധമാക്കാനും സദാചാര നിയമങ്ങൾ കർശനമായി നടപ്പാക്കാനും പ്രശസ്തനാണ്. നിയമങ്ങൾ നടപ്പിലാക്കുന്ന ഉദ്യോഗസ്ഥന്റെ […]

ഏകാന്ത തടവിലേക്ക് ഫ്രാൻസ് മുൻ പ്രസിഡന്റ് സർക്കോസി; ജയിൽ അനുഭവങ്ങൾ പുസ്തകമാക്കും

October 21, 2025

പാരീസ്: അഴിമതി കേസിൽ ശിക്ഷിച്ച ഫ്രാൻസ് മുൻ പ്രസിഡന്റ് നിക്കോളസ്‌ സർക്കോസിയെ ഏകാന്തതടവിൽ പാർപ്പിക്കുമെന്നും സുരക്ഷാ കാരണങ്ങളാൽ മറ്റ് തടവുകാരിൽ നിന്ന് അദ്ദേഹത്തെ അകറ്റി നിർത്തുമെന്നും റിപ്പോർട്ടുകൾ. 2007 ലെ പ്രസിഡന്റ് തിരഞ്ഞെടുപ്പിൽ പ്രചാരണത്തിനായി ലിബിയൻ നേതാവ് മുഅമർ ഗദ്ദാഫിയിൽ നിന്ന് പണം വാങ്ങിയ കേസിലാണ് സർക്കോസിക്ക് അഞ്ചുവർഷം തടവുശിക്ഷ ലഭിച്ചത്. പാരീസിലെ വിചാരണക്കോടതിയുടേതായിരുന്നു വിധി. ജയിൽ ശിക്ഷ അനുഭവിക്കുന്ന ആദ്യ ഫ്രാൻസ് പ്രസിഡന്റാണ് സർക്കോസി. 2007 മുതൽ 2012 വരെ പ്രസിഡന്റായിരുന്ന സർക്കോസി, ലാ സാന്റെ […]

അയൺ ഗുളികകൾ മത്സരിച്ച് കഴിച്ചു; കൊല്ലത്ത് സ്കൂൾ കുട്ടികൾക്ക് ദേഹാസ്വാസ്ഥ്യം

October 21, 2025

കൊല്ലം: കൊല്ലത്ത് അമിതമായി അയൺ ഗുളികകൾ കഴിച്ച കുട്ടികൾക്ക് ദേഹാസ്വാസ്ഥ്യം. മൈനാഗപ്പള്ളി മിലാദേ ഷെരീഫ് ഹയർ സെക്കൻഡറി സ്കൂളിലെ കുട്ടികൾക്കാണ് ശാരീരിക അസ്വസ്ഥതകൾ ഉണ്ടായത്. സംഭവത്തിൽ എട്ടാം ക്ലാസിൽ പഠിക്കുന്ന ആറ് കുട്ടികളെ ആശുപത്രിയിൽ പ്രവേശിപ്പിച്ചു. ആരോഗ്യ വകുപ്പിൽ നിന്ന് നൽകിയ അയൺ ഗുളികകൾ കുട്ടികൾ മത്സരിച്ച് കഴിക്കുകയായിരുന്നു. നാല് കുട്ടികളെ സ്വകാര്യ ആശുപത്രിയിലും രണ്ട് പേർ കൊല്ലം ജില്ലാ ആശുപത്രിയിലും ചികിത്സയിലാണ്. കുട്ടികളുടെ നില തൃപ്തികരമെന്ന് ആശുപത്രി അധികൃതർ അറിയിച്ചു.

പയ്യന്നൂരിൽ വയോധിക തീപൊള്ളലേറ്റു മരിച്ചു

October 21, 2025

കണ്ണൂർ: പയ്യന്നൂർ മാത്തിലിൽ വയോധിക തീപൊള്ളലേറ്റു മരിച്ചു. എണ്‍പത്തിയഞ്ചുകാരി തമ്പായിയാണ് മരിച്ചത്. രാവിലെ പ്രഭാതഭക്ഷണം കഴിക്കുന്നതിനിടയിൽ മണ്ണെണ്ണ ഒഴിച്ച് സ്വയം തീകൊളുത്തുകയായിരുന്നുവെന്ന് ബന്ധുക്കൾ പറഞ്ഞു. ഉടൻ പരിയാരം മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. ഇവർക്ക് വാർധക്യ സഹജമായ മാനസിക പ്രശ്നങ്ങൾ ഉണ്ടായിരുന്നതായും ബന്ധുക്കൾ പറഞ്ഞു. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടു നൽകും. പെരിങ്ങോം പൊലീസ് അസ്വഭാവിക മരണത്തിന് കേസെടുത്ത് അന്വേഷണം തുടങ്ങി.

സന്തോഷ് ട്രോഫി മുന്‍കാല താരം പി.ജെ.വര്‍ഗീസ് അന്തരിച്ചു

October 21, 2025

കൊച്ചി: മുന്‍കാല സന്തോഷ് ട്രോഫി താരവും ഫാക്ട് ഫുട്‌ബോള്‍ ടീം അംഗവുമായിരുന്ന പാട്ടത്തില്‍ പി.ജെ.വര്‍ഗീസ് അന്തരിച്ചു. ബുധനാഴ്ച രാവിലെ പത്ത് മണിക്ക് ആലുവ സെന്റ് ഡൊമനിക്ക് പള്ളിയിലാണ് സംസ്‌കാരം. വരന്തരപ്പിള്ളി മാളിയേക്കല്‍ ചെനിയറ കുടുംബാഗം മേരി വര്‍ഗീസ് ആണ് ഭാര്യ. പ്രഷീല, പ്രഷീജ, പ്രഷീന, ജീസ് എന്നിവര്‍ മക്കളാണ്. ക്ലീറ്റസ്, ബിനു, ബിറ്റോ, ജിനി എന്നിവരാണ് മരുമക്കള്‍.

നിലമ്പൂരിലെ സ്വകാര്യ കെട്ടിടത്തിൽ നിന്ന് 4.35 ഗ്രാം മെത്താംഫിറ്റമിനുമായി യുവാവ് പിടിയിൽ

October 21, 2025

മലപ്പുറം: വില്‍പനക്കായി കൈവശംവെച്ച 4.35 ഗ്രാം മെത്താംഫിറ്റമിനുമായി യുവാവ് അറസ്റ്റില്‍. നിലമ്പൂര്‍ കല്ലേമ്പാടം സ്വദേശി തിരുതയില്‍ വിവേകിനെയാണ് (35) നിലമ്പൂര്‍ പൊലീസും ഡാന്‍സാഫ് ടീമും ചേര്‍ന്ന് പിടികൂടിയത്. നിലമ്പൂര്‍ ഇന്‍സ്‌പെക്ടര്‍ ബി.എസ് ബിനുവിന് ലഭിച്ച രഹസ്യവിവരത്തില്‍ എസ്.ഐ പി.ടി. സൈഫുള്ളയുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. തിങ്കളാഴ്ച ഉച്ചക്ക് ഒരു മണിയോടെ ഒരു കെട്ടിടത്തില്‍ നടത്തിയ പരിശോധനയിലാണ് പ്രതി പിടിയിലായത്. ഗ്രാമിന് 3500 രൂപ നിരക്കിലാണ് മെത്താഫിറ്റാമിന്‍ വിറ്റിരുന്നത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു. പ്രതിയെ […]

ട്രാന്‍സ്‌ജെന്‍ഡര്‍ ഭവനപദ്ധതി ‘സുഭദ്രം’ ഉദ്ഘാടനം നാളെ

October 21, 2025

തിരുവനന്തപുരം: ട്രാന്‍സ്‌ജെന്‍ഡര്‍ ക്ഷേമമേഖലയിലെ സ്വപ്ന പദ്ധതിയായ ‘സുഭദ്രം’ ഭവനപദ്ധതി ഒക്ടോബര്‍ 22ന് ഉദ്ഘാടനം ചെയ്യുമെന്ന് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആര്‍ ബിന്ദു. രാവിലെ 11 മണിക്ക് തിരുവനന്തപുരം ജില്ലാ പഞ്ചായത്ത് ഇ എം എസ് ഹാളിലാണ് പദ്ധതിയുടെ ഉദ്ഘാടനം. സുരക്ഷിതമല്ലാത്ത ജീവിതസാഹചര്യങ്ങളില്‍ ജീവിക്കേണ്ടി വരുന്ന ട്രാന്‍സ്‌ജെന്‍ഡര്‍ വ്യക്തികള്‍ക്ക് ആശ്വാസമേകാനാണ് പദ്ധതി ആരംഭിക്കുന്നത്. സാമൂഹ്യനീതി വകുപ്പ് സുവര്‍ണ്ണ ജൂബിലി ആഘോഷിക്കുന്ന വേളയിലാണ് ഈ പദ്ധതി പ്രാവര്‍ത്തികമാക്കുന്നതെന്നതില്‍ അഭിമാനമുണ്ടെന്ന് മന്ത്രി ഡോ. ആര്‍. ബിന്ദു പറഞ്ഞു. ‘സുഭദ്രം’ ഭവനപദ്ധതിയുടെ ലോഗോ […]