ആലപ്പുഴ: കുടുംബവഴക്കിനിടെ യുവാവ് ഭാര്യയുടെ അമ്മയെ കുത്തിക്കൊന്നു. നൂറനാട് ഇടക്കുന്നം നെല്ലുവിളയിൽ ജയകുമാരി (45) ആണ് കൊല്ലപ്പെട്ടത്. മകൾ അർച്ചനയെ ഭർത്താവ് ജോജി ജോസഫ് ആക്രമിക്കുന്നത് തടയാൻ ശ്രമിക്കുന്നതിനിടെയാണ് ജയകുമാരിക്ക് കുത്തേറ്റത്. ശനിയാഴ്ച പുലർച്ചെയായിരുന്നു സംഭവം. ഗുരുതരമായി പരിക്കേറ്റ ജയകുമാരിയെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ജയകുമാരിയുടെ ഭർത്താവ് ജയകുമാർ ജോലിക്കായി വീട്ടിൽനിന്ന് പുറത്തുപോയ സമയത്താണ് ആക്രമണം നടന്നത്. മകളും ഭർത്താവും തമ്മിലുണ്ടായ തർക്കത്തിനിടെയാണ് ജയകുമാരിക്ക് കുത്തേറ്റതെന്നാണ് ലഭിക്കുന്ന വിവരം. സംഭവത്തിൽ ജോജി ജോസഫിനെതിരെ പൊലീസ് […]