കൊല്ലം: സായ് ഹോസ്റ്റലിൽ രണ്ട് വിദ്യാർഥിനികൾ ആത്മഹത്യ ചെയ്ത സംഭവത്തിൽ കേസ് വിശദമായി അന്വേഷിക്കണമെന്ന് ആവശ്യപ്പെട്ട് മാതാപിതാക്കൾ രംഗത്ത്. കോഴിക്കോട് കടലുണ്ടി സ്വദേശിനിയും പ്ലസ് ടു വിദ്യാർഥിനിയുമായ സാന്ദ്രയുടെ മാതാപിതാക്കളാണ് അന്വേഷണം ശക്തമാക്കണമെന്ന് ആവശ്യപ്പെട്ടത്. സംഭവത്തിൽ മുഖ്യമന്ത്രിക്ക് പരാതി നൽകുമെന്നും സായ് സെന്ററിലെ അധ്യാപകന്റെ പങ്ക് അന്വേഷിക്കണമെന്നും മാതാപിതാക്കൾ ആവശ്യപ്പെട്ടു. കഴിഞ്ഞ വ്യാഴാഴ്ച പുലർച്ചെ അഞ്ച് മണിയോടെയാണ് ഇരുവരുടെയും മരണവിവരം പുറത്തറിയുന്നത്. പതിവ് പരിശീലന പരിപാടിയിൽ പങ്കെടുക്കാൻ ഇരുവരും എത്താത്തതിനെ തുടർന്ന് സഹ വിദ്യാർഥികൾ ഹോസ്റ്റൽ മുറിയിലെത്തി. […]