പാലക്കാട്: പാലക്കാട് നെന്മാറ ഇരട്ടക്കൊലക്കേസിലെ ശിക്ഷാവിധി തിങ്കളാഴ്ച പ്രഖ്യാപിക്കും. പാലക്കാട് അഡീഷണൽ സെഷൻസ് കോടതിയാണ് കേസിൽ ശിക്ഷ നിർണയിക്കുക. ശിക്ഷാ നിർണയത്തിന് മുന്നോടിയായി പ്രതി ചെന്താമരയുടെ കൗൺസിലിംഗ് റിപ്പോർട്ട് ജില്ലാ നിയമസഹായ അതോറിറ്റി കോടതിയിൽ സമർപ്പിച്ചു. എന്നാൽ, റിപ്പോർട്ടിൽ പ്രതി പറഞ്ഞ കാര്യങ്ങൾ അതേപടി രേഖപ്പെടുത്തുക മാത്രമാണ് ചെയ്തിരിക്കുന്നതെന്നും സ്വതന്ത്രമായ വിലയിരുത്തലുകളോ കണ്ടെത്തലുകളോ ഉൾപ്പെടുത്തിയിട്ടില്ലെന്നും പ്രോസിക്യൂഷൻ വാദിച്ചു. പ്രതിക്ക് ആവശ്യമായ ചികിത്സ ലഭിക്കാത്തതാണ് രണ്ടാം കൊലപാതകത്തിലേക്ക് നയിച്ചതെന്ന പരാമർശം റിപ്പോർട്ടിലുള്ളത് അംഗീകരിക്കാനാകില്ലെന്നും പ്രോസിക്യൂഷൻ ചൂണ്ടിക്കാട്ടി. ജയിലിൽ ജോലി […]

പാലക്കാട്: നെൻമാറ ഇരട്ടക്കൊലപാതകക്കേസിൽ കുറ്റക്കാരനെന്ന് കോടതി കണ്ടെത്തിയതിന് പിന്നാലെ കോടതിമുറിയിലും വെല്ലുവിളി മുഴക്കി പ്രതി ചെന്താമര. വിധി പ്രഖ്യാപിക്കുന്നതിന് മുമ്പ് എന്തെങ്കിലും പറയാനുണ്ടോയെന്ന കോടതിയുടെ ചോദ്യത്തിന് “തൂക്കിക്കൊന്നോളൂ” എന്നായിരുന്നു പ്രതിയുടെ മറുപടി. തുടർന്ന് കോടതിയോട് വെല്ലുവിളി നിറഞ്ഞ പരാമർശങ്ങളും ഭീഷണികളും ചെന്താമര തുടർന്നു. “വേണ്ടിവന്നാൽ ഇനിയും ആളുകളെ കൊല്ലും”, “ഒരു കവിളത്ത് അടിച്ചാൽ മറ്റേ കവിളും കാണിക്കാൻ ഞാൻ ഗാന്ധിജിയല്ല”, “എഴുതാൻ പറ്റുന്നതെല്ലാം എഴുതിക്കോ” തുടങ്ങിയ പരാമർശങ്ങളാണ് പ്രതി കോടതിയിൽ നടത്തിയത്. “തടസ്സം നിന്നാൽ ഇങ്ങനെയായിരിക്കും പ്രതികരണം” […]