തിരുവനന്തപുരം: ആരോഗ്യവകുപ്പ് ഡയറക്ടർ (ഡിഎച്ച്എസ്) തസ്തികയെച്ചൊല്ലിയുള്ള വിവാദങ്ങൾ തുടരുന്നുണ്ടെങ്കിലും സംസ്ഥാനത്ത് ആരോഗ്യവകുപ്പിന്റെ പ്രവർത്തനങ്ങളെ അത് ബാധിച്ചിട്ടില്ലെന്ന് മന്ത്രി കെ. മുരളീധരൻ. പകർച്ചവ്യാധി പ്രതിരോധ പ്രവർത്തനങ്ങൾ ഉൾപ്പെടെ എല്ലാ സേവനങ്ങളും കാര്യക്ഷമമായി മുന്നോട്ടുപോകുകയാണെന്നും അദ്ദേഹം വ്യക്തമാക്കി. ഡിഎച്ച്എസ് നിയമനവുമായി ബന്ധപ്പെട്ട വിഷയത്തിൽ സർക്കാർ അഡ്വക്കേറ്റ് ജനറലിന്റെ നിയമോപദേശം തേടിയിട്ടുണ്ടെന്നും, അതിന്റെ അടിസ്ഥാനത്തിലായിരിക്കും തുടർനടപടികൾ സ്വീകരിക്കുകയെന്നും മന്ത്രി പറഞ്ഞു. നിലവിൽ ചുമതല വഹിക്കുന്ന ഡോ. മീനാക്ഷി വകുപ്പിന്റെ പ്രവർത്തനങ്ങൾ സുഗമമായി ഏകോപിപ്പിക്കുന്നുണ്ടെന്നും ഔദ്യോഗിക പരിപാടികളിലോ കോൺഫറൻസുകളിലോ തടസങ്ങളൊന്നുമില്ലെന്നും അദ്ദേഹം കൂട്ടിച്ചേർത്തു. […]