ബെംഗളൂരു: കേരളത്തിൽ വി.ഡി. സതീശന്റെ നേതൃത്വത്തിൽ പുതിയ സർക്കാർ അധികാരത്തിലെത്തിയതിന് പിന്നാലെ കർണാടക കോൺഗ്രസിലും ആഭ്യന്തര കലഹം വീണ്ടും ശക്തമാകുന്നു. മുഖ്യമന്ത്രി സിദ്ധരാമയ്യയും ഉപമുഖ്യമന്ത്രി ഡി.കെ. ശിവകുമാറും തമ്മിലുള്ള അധികാര തർക്കമാണ് വീണ്ടും സജീവമായിരിക്കുന്നത്. മന്ത്രിസഭയിൽ അഴിച്ചുപണി വേണമെന്ന ആവശ്യവുമായി സിദ്ധരാമയ്യ പക്ഷം മുന്നോട്ടു പോകുമ്പോൾ, നേരത്തെ ഉണ്ടായിരുന്ന അധികാര പങ്കിടൽ ധാരണ നടപ്പാക്കണമെന്ന നിലപാടിലാണ് ശിവകുമാർ അനുകൂലികൾ. കേരളത്തിലെ നേതൃപ്രതിസന്ധി പരിഹരിച്ചതിന് പിന്നാലെ കർണാടകയിൽ പൊട്ടിപ്പുറപ്പെട്ട പുതിയ പ്രശ്‌നങ്ങൾ കോൺഗ്രസ് കേന്ദ്രനേതൃത്വത്തിന് വലിയ വെല്ലുവിളിയായി മാറിയിരിക്കുകയാണ്. […]