Mehana Babu - Whiteswan TV News

ഭിന്നശേഷി സംവരണം; സംസ്ഥാന സർക്കാരിൻ്റെ ഹർജിയിൽ വാദം കേൾക്കാൻ സുപ്രീംകോടതി

February 2, 2026

തിരുവനന്തപുരം: ഭിന്നശേഷി സംവരണവുമായി ബന്ധപ്പെട്ട് സംസ്ഥാന സർക്കാർ സമർപ്പിച്ച ഹർജിയിൽ സുപ്രീം കോടതി വിശദമായ വാദം കേൾക്കും. ഹർജിയിൽ എതിർകക്ഷികൾക്ക് നാലാഴ്ചയ്ക്കകം മറുപടി നൽകാൻ കോടതി നിർദേശം നൽകി. എൻ.എസ്.എസ് കേസിൽ സുപ്രീം കോടതി പുറപ്പെടുവിച്ച വിധി സമാന സാഹചര്യങ്ങളിലുള്ള മറ്റ് അദ്ധ്യാപകർക്കും ബാധകമാക്കണമെന്നാണ് സംസ്ഥാന സർക്കാരിൻ്റെ ആവശ്യം. ഏയ്‌ഡഡ് സ്കൂളുകളിലെ ഭിന്നശേഷി സംവരണവുമായി ബന്ധപ്പെട്ട കേസുകളിൽ നിലവിൽ താത്കാലിക തസ്തികകളിൽ തുടരുന്ന അദ്ധ്യാപകരെ സ്ഥിരപ്പെടുത്താൻ സർക്കാർ സമർപ്പിച്ച അപേക്ഷയിലാണ് സുപ്രീം കോടതി ഇന്ന് പരിഗണന നടത്തിയത്. […]

പൊതുവിദ്യാലയങ്ങളിൽ സാങ്കേതിക മുന്നേറ്റം; അഡ്വാൻസ്ഡ് കിറ്റുകളുടെ വിതരണോദ്‌ഘാടനം മന്ത്രി വി. ശിവൻകുട്ടി നിർവഹിച്ചു

February 2, 2026

തിരുവനന്തപുരം: സംസ്ഥാനത്തെ പൊതുവിദ്യാലയങ്ങളിൽ റോബോട്ടിക്സ് പഠനം കൂടുതൽ കാര്യക്ഷമമാക്കുന്നതിന്റെ ഭാഗമായി മുഴുവൻ ഹൈസ്‌കൂളുകളിലേക്കും കൈറ്റ് (കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എഡ്യൂക്കേഷൻ) മുഖേന അഡ്വാൻസ്ഡ് റോബോട്ടിക് കിറ്റുകൾ വിതരണം ചെയ്യുന്ന പദ്ധതിക്ക് തുടക്കമായി. പദ്ധതിയുടെ സംസ്ഥാനതല ഉദ്ഘാടനം തിരുവനന്തപുരത്ത് പൊതുവിദ്യാഭ്യാസ മന്ത്രി വി. ശിവൻകുട്ടി നിർവഹിച്ചു. ആറ് സ്കൂളുകളിലെ ലിറ്റിൽ കൈറ്റ്സ് അംഗങ്ങൾക്ക് കിറ്റുകൾ കൈമാറിയാണ് മന്ത്രി പദ്ധതി ഉദ്ഘാടനം ചെയ്തത്. സംസ്ഥാനത്തെ വിദ്യാലയങ്ങളിലെ ലിറ്റിൽ കൈറ്റ്സ് യൂണിറ്റുകൾ വഴി ആകെ 2500 അഡ്വാൻസ്ഡ് റോബോട്ടിക് […]

ബലൂചിസ്ഥാന്‍ ആക്രമണങ്ങള്‍ക്ക് പിന്നില്‍ ഇന്ത്യയെന്ന പാക് ആരോപണം തള്ളി വിദേശകാര്യമന്ത്രാലയം

February 2, 2026

ന്യൂഡൽഹി: പാകിസ്ഥാനിലെ ബലൂചിസ്ഥാൻ പ്രവിശ്യയിൽ അടുത്തിടെ നടന്ന ചാവേർ ആക്രമണങ്ങൾക്ക് പിന്നിൽ ഇന്ത്യയാണെന്ന പാക് ആരോപണം കേന്ദ്ര വിദേശകാര്യ മന്ത്രാലയം നിഷേധിച്ചു. പാകിസ്ഥാൻ ഉന്നയിക്കുന്ന ആരോപണങ്ങൾ അടിസ്ഥാനരഹിതമാണെന്നും, സ്വന്തം ആഭ്യന്തര സുരക്ഷാ പരാജയങ്ങളിൽ നിന്ന് ശ്രദ്ധ തിരിക്കാനുള്ള പതിവ് തന്ത്രത്തിന്റെ ഭാഗമാണിതെന്നും മന്ത്രാലയം വ്യക്തമാക്കി. ബലൂചിസ്ഥാനിലെ ദീർഘകാല രാഷ്ട്രീയ-സാമ്പത്തിക പ്രശ്നങ്ങൾ പരിഹരിക്കുന്നതിനു പകരം, ഓരോ അക്രമ സംഭവത്തിനും ഇന്ത്യയെ കുറ്റപ്പെടുത്തുകയാണ് പാകിസ്ഥാൻ ചെയ്യുന്നതെന്ന് വിദേശകാര്യ വക്താവ് രൺധീർ ജയ്സ്വാൾ പറഞ്ഞു. ഇത് സ്വന്തം ആഭ്യന്തര പരാജയങ്ങളിൽ നിന്ന് […]

ശബരിമല സന്നിധാനത്ത് വിലക്ക് ലംഘിച്ച് സിനിമാ ഷൂട്ടിങ്ങ് ; ദേവസ്വം എസ്പിയുടെ റിപ്പോര്‍ട്ട് പുറത്ത്

February 2, 2026

പത്തനംതിട്ട: ശബരിമല സന്നിധാനത്തും പരിസരത്തും വിലക്ക് ലംഘിച്ച് സിനിമാ ഷൂട്ടിങ്ങ് നടന്നതായി കണ്ടെത്തല്‍. സംവിധായകന്‍ അനുരാജ് മനോഹര്റാണ് വിലക്ക് ലംഘിച്ച് സിനിമാ ചിത്രീകരണം നടത്തിയത് . പമ്പയിലും സമീപപ്രദേശങ്ങളിലും ഷൂട്ടിങ്ങ് നടത്തിയെന്നാണ് ലഭിക്കുന്ന വിവരം. മകരവിളക്ക് ദിവസം ഹില്‍ടോപ്പില്‍ വെച്ചും ഷൂട്ട് ചെയ്തു. ദേവസ്വം വിജിലന്‍സ് എസ്പി നല്‍കിയ റിപ്പോര്‍ട്ടിലാണ് ഇക്കാര്യം വ്യക്തമാക്കിയിട്ടുള്ളത്. സംവിധായകന്‍ അനുരാജ് മനോഹര്‍ നേരത്തെ സിനിമാ ചിത്രീകരണത്തിന് അനുമതി ചോദിച്ചുകൊണ്ട് ദേവസ്വം ബോര്‍ഡ് പ്രസിഡന്റ് കെ ജയകുമാറിന് അപേക്ഷ നല്‍കിയിരുന്നു. പമ്പ പ്രമേയമാക്കിയ […]

വിഷം കഴിച്ച് ആത്മഹത്യയ്ക്ക് ശ്രമം; വൃദ്ധസഹോദരിമാരിൽ മൂന്നാമത്തെയാളും മരിച്ചു

February 2, 2026

തൃശ്ശൂർ : മുള്ളൂർക്കര ആറ്റൂർ മണ്ടലംകുന്നിൽ വിഷം കഴിച്ച് ആത്മഹത്യയ്ക്ക് ശ്രമിച്ച വൃദ്ധസഹോദരിമാരിൽ മൂന്നാമത്തെയാളും മരിച്ചു. മഠത്തിപറമ്പിൽ വീട്ടിൽ ജാനകി (80) ആണ് മരിച്ചത്. വെള്ളിയാഴ്ചയാണ് ജാനകി ഉൾപ്പെടെ മൂന്ന് സഹോദരിമാരെയും വിഷം കഴിച്ച നിലയിൽ വീട്ടിനുള്ളിൽ കണ്ടെത്തിയത്. ഗുരുതരാവസ്ഥയിൽ ഇവരെ ഉടൻ തന്നെ ആശുപത്രിയിൽ പ്രവേശിപ്പിച്ചിരുന്നെങ്കിലും, ചികിത്സയിൽ കഴിയുന്നതിനിടെയാണ് ജാനകി മരണത്തിന് കീഴടങ്ങിയത്. ഇതിന് മുൻപ് സഹോദരിമാരായ സരോജിനിയും ദേവകിയും മരിച്ചിരുന്നു. മൂവരും ഒരുമിച്ച് വിഷം കഴിച്ച് ആത്മഹത്യയ്ക്ക് ശ്രമിച്ചതായാണ് പ്രാഥമിക നിഗമനം. സംഭവത്തിൽ പൊലീസ് […]

16ാം ധന കമ്മീഷന്‍റെ ശുപാര്‍ശകള്‍ കേരളത്തിന് തിരിച്ചടി: സി എസ് ഇ എസ്

February 2, 2026

തിരുവനന്തപുരം: 16ാം ധന കമ്മീഷന്‍റെ ശുപാര്‍ശകള്‍ കേരളത്തിന്‍റെ സാമ്പത്തിക താല്‍പര്യങ്ങളെ ഗുരുതരമായി ബാധിക്കുന്നതാണെന്ന് കൊച്ചിയിലെ സെന്‍റര്‍ ഫോര്‍ സോഷ്യോ, ഇക്കണോമിക്ക് ആന്‍റ് എന്‍വിറോണ്‍മെന്‍റല്‍ സ്റ്റഡീസ് (CSES) വിമര്‍ശിച്ചു. സംസ്ഥാനങ്ങളുമായി പങ്കുവെക്കേണ്ട നികുതി വിഹിതം 50 ശതമാനമായി ഉയര്‍ത്തണമെന്ന കേരളത്തിന്‍റെ ആവശ്യത്തിന് ധന കമ്മീഷന്‍ തയ്യാറാകാത്തത് സംസ്ഥാനത്തിന് വലിയ നഷ്ടം വരുത്തുമെന്ന് സി എസ് ഇ എസ് വാര്‍ത്താക്കുറിപ്പില്‍ ചൂണ്ടിക്കാട്ടി. കൂടാതെ, നികുതി ഇതര വരുമാനവും സംസ്ഥാനങ്ങളുമായി പങ്കുവെയ്ക്കണമെന്ന ആവശ്യവും കമ്മീഷന്‍ തള്ളിക്കളഞ്ഞു. പ്രത്യേക തീരുവ, സര്‍ചാര്‍ജ് തുടങ്ങിയ […]

സമരം കടുപ്പിച്ച് മെഡിക്കൽ കോളേജ് ഡോക്ടർമാർ; രോഗികൾ ദുരിതത്തിൽ

February 2, 2026

തിരുവനന്തപുരം: സംസ്ഥാനത്തെ സർക്കാർ മെഡിക്കൽ കോളേജുകളിലെ ഡോക്ടർമാർ അനിശ്ചിതകാല സമരം ആരംഭിച്ചതോടെ ഒപി ചികിത്സ പൂർണ്ണമായും മുടങ്ങി. കെജിഎംസിടിഎ (KG MCTA)യുടെ നേതൃത്വത്തിലാണ് സമരം. സർക്കാരിന്റെ വഞ്ചനയ്‌ക്കെതിരെയാണ് സമരമെന്ന് സംഘടന ആരോപിച്ചു. രാവിലെ മുതൽ മെഡിക്കൽ കോളേജ് ഒപികളിൽ വൻ തിരക്കാണ് അനുഭവപ്പെട്ടത്. സമര വിവരം അറിയാതെ ചികിത്സ തേടിയെത്തിയ നിരവധി രോഗികൾ ഗുരുതര അവസ്ഥയിൽ പോലും ചികിത്സ ലഭിക്കാതെ മടങ്ങേണ്ടി വന്നു. ചിലർ പി.ജി. ഡോക്ടർമാരെ മാത്രം കണ്ട ശേഷം മടങ്ങിയപ്പോൾ, മറ്റുചിലർ സ്വകാര്യ ആശുപത്രികളിലേക്ക് […]

സഹോദരങ്ങളെ വാഹനമിടിപ്പിച്ച് കൊലപ്പെടുത്താൻ ശ്രമിച്ച കേസ്;മുസ്ലീംലീഗ് നേതാവിൻ്റെ മകനെതിരെ പൊലീസ് ലുക്ക് ഔട്ട് നോട്ടീസ് പുറത്തിറക്കി

February 2, 2026

കോഴിക്കോട്: കോഴിക്കോട് മാവൂരിൽ സഹോദരങ്ങളെ വാഹനമിടിപ്പിച്ച് കൊലപ്പെടുത്താൻ ശ്രമിച്ച കേസിൽ, മുസ്ലീംലീഗ് നേതാവിൻ്റെ മകനെതിരെ പൊലീസ് ലുക്ക് ഔട്ട് സർക്കുലർ പുറത്തിറക്കി. കൊടിയത്തൂർ പഴം പറമ്പ് സ്വദേശി ഇർഫാനെ കണ്ടെത്തുന്നതിനായി അന്വേഷണം ഊർജിതമാക്കിയതായി മാവൂർ പൊലീസ് അറിയിച്ചു. കൊടിയത്തൂർ ഗ്രാമപഞ്ചായത്ത് മുസ്ലീംലീഗ് മെമ്പർ ആയിഷ ചേലപ്പുറത്തിന്റെ മകനാണ് പ്രതിയായ ഇർഫാൻ. മർദ്ദനമേറ്റ തൻസീഫുമായി ഉണ്ടായിരുന്ന സാമ്പത്തിക ഇടപാടുകളാണ് അക്രമത്തിലും സഹോദരങ്ങളെ വാഹനമിടിപ്പിച്ച് കൊലപ്പെടുത്താനുള്ള ശ്രമത്തിലും കലാശിച്ചതെന്ന് പൊലീസ് വ്യക്തമാക്കി. ശനിയാഴ്ചയാണ് അയൽവാസിയും സുഹൃത്തുമായ ഇർഫാൻ തൻസീഫിനെ വീട്ടിലെത്തി […]

വോട്ടർ പട്ടികയിൽ നിന്ന് ആരെയും ഒഴിവാക്കില്ല; അർഹരായ മുഴുവൻ ആളുകളെയും ഉൾപ്പെടുത്തണം’: ടി പി രാമകൃഷ്ണൻ

February 2, 2026

തിരുവനന്തപുരം: വോട്ടർ പട്ടികയിൽ അർഹരായ മുഴുവൻ ആളുകളെയും ഉൾപ്പെടുത്തണമെന്ന് എൽ ഡി എഫ് കൺവീനർ ടി പി രാമകൃഷ്ണൻ. ആരെയും ഒഴിവാക്കാതെ എല്ലാവരെയും ഉൾപ്പെടുത്തി വേണം നടപ്പാക്കാൻ എന്നും അദ്ദേഹം കൂട്ടിച്ചേർത്തു. വോട്ടർ ആകാൻ അർഹതയുള്ള നിരവധി ആളുകൾ വോട്ടർ പട്ടികയിൽ നിന്ന് പുറത്തായി എന്നും അദ്ദേഹം എസ് ഐ ആറിലെ അപാകതകൾ പരിഹരിക്കണമെന്നാവശ്യപ്പെട്ട് എൽ ഡി എഫ് സംസ്ഥാന വ്യാപകമായി നടത്തുന്ന പ്രതിഷേധത്തിൽ സംസാരിച്ചു. വോട്ടർ ആകാൻ അർഹതയുള്ള നിരവധി ആളുകൾ വോട്ടർ പട്ടികയിൽ നിന്ന് […]

സഖ്യകക്ഷി നേതാക്കളടക്കം ഇന്ന് ഡൽഹിയിൽ; മണിപുരിൽ സർക്കാർ രൂപീകരിക്കാൻ ബിജെപി

February 2, 2026

ന്യൂഡൽഹി: സംസ്‌ഥാനത്തെ ബിജെപിയുടെ സഖ്യകക്ഷി നേതാക്കളടക്കം ഇന്ന് ഡൽഹിയിൽ. സർക്കാർ രൂപീകരണവുമായി ബന്ധപ്പെട്ട ചർച്ചകൾക്കായാണ് ഇന്ന് ഡൽഹിയിൽ എത്തുന്നത്. മണിപുരിലെ രാഷ്ട്രപതിഭരണം ഫെബ്രുവരി 12ന് അവസാനിക്കാനിരിക്കേയാണ് , ഇങ്ങനെയൊരു ചർച്ച നടത്തുന്നതെന്നാണ് വിവരം. മണിപുർ ബിജെപി. അധ്യക്ഷ എ. ശാരദാദേവിയും ഡൽഹിയിലെത്തിയിട്ടുണ്ട്. വടക്കുകിഴക്കൻ സംസ്‌ഥാനങ്ങളുടെ ചുമതലയുള്ള സാംബിത്ത് പത്ര ഇന്ന് ഇവരുമായി കൂടിക്കാഴ്‌ച നടത്തിയേക്കും. സർക്കാർ രൂപവത്കരണമാണ് പ്രധാന അജൻഡയെന്നും മുഖ്യമന്ത്രിസ്ഥാനത്തേക്ക് കേന്ദ്രനേതൃത്വം തീരുമാനിക്കുന്ന ഏതു നേതാവിനെയും അംഗീകരിക്കുമെന്നും ബിജെപി എംഎൽഎ സൊറോഖായ്ബാം രാജൻ വിമാനത്താവളത്തിൽ വച്ച് […]