തിരുവനന്തപുരം: മുഖ്യമന്ത്രി ചർച്ചകൾക്കിടെ കെ.സി. വേണുഗോപാലിനെ താൻ പിന്തുണച്ചതായി സൂചിപ്പിക്കുന്ന ചിത്രം പുറത്തുവന്നതിന് പിന്നാലെ വിശദീകരണവുമായി കെപിസിസി അധ്യക്ഷൻ സണ്ണി ജോസഫ് രംഗത്തെത്തിയിരിക്കുകയാണ്. പ്രചരിക്കുന്ന ചിത്രത്തിന് ആധികാരികതയില്ലെന്നും മുഖ്യമന്ത്രിയുടെ കാര്യത്തിൽ അന്തിമ തീരുമാനമെടുക്കാൻ താൻ ഹൈക്കമാന്റിനെ ചുമതലപ്പെടുത്തുകയാണ് ചെയ്തതെന്നും അദ്ദേഹം മാധ്യമങ്ങളോട് വ്യക്തമാക്കി. എല്ലാ നേതാക്കളെയും വിളിച്ച് സമവായമുണ്ടാക്കാനാണ് താൻ ആവശ്യപ്പെട്ടതെന്നും പുറത്തുവന്ന രേഖകളിൽ എന്താണ് ഉള്ളതെന്ന് പരിശോധിക്കണമെന്നും അദ്ദേഹം പറഞ്ഞു. മുഖ്യമന്ത്രി സ്ഥാനത്തെക്കുറിച്ചുള്ള ചർച്ചകൾക്കായി എഐസിസി നിരീക്ഷകർ രാഹുൽ ഗാന്ധിയുമായും മല്ലികാർജുൻ ഖാർഗെയുമായും സംസാരിക്കുമെന്നും ആവശ്യമെങ്കിൽ […]