ദുബായ്: പശ്ചിമേഷ്യയിലെ സംഘർഷത്തെ തുടർന്നുണ്ടായ വ്യോമപാത നിയന്ത്രണങ്ങൾ ലഘൂകരിച്ചതോടെ യുഎഇയിലെ വിമാന സർവീസുകൾ സാധാരണ നിലയിലേക്ക് മടങ്ങുന്നു. രാജ്യത്തേക്കും തിരിച്ചുമുള്ള സർവീസുകൾ പുനഃസ്ഥാപിക്കാൻ പ്രമുഖ വിമാനക്കമ്പനികൾ നടപടികൾ വേഗത്തിലാക്കിയിട്ടുണ്ട്. എമിറേറ്റ്‌സ്, ഇത്തിഹാദ്, ഖത്തർ എയർവേസ്, എയർ ഇന്ത്യ തുടങ്ങിയ കമ്പനികൾ സർവീസുകൾ പുനഃക്രമീകരിക്കുകയോ വിപുലീകരിക്കുകയോ ചെയ്തതായി അറിയിച്ചു. എന്നാൽ മുൻകരുതലിന്റെ ഭാഗമായി ചില യൂറോപ്യൻ, ഏഷ്യൻ വിമാനക്കമ്പനികൾ ഇപ്പോഴും താൽക്കാലിക നിയന്ത്രണങ്ങൾ തുടരുന്നുണ്ട്. യാത്രക്കാർ വിമാനത്താവളത്തിലേക്ക് പുറപ്പെടുന്നതിന് മുമ്പ് സർവീസുകളുടെ നിലവിലെ സ്ഥിതി പരിശോധിക്കണമെന്ന് അധികൃതർ നിർദേശിച്ചു. […]