കൊച്ചി: രാത്രികാലങ്ങളിൽ മുന്നറിയിപ്പില്ലാതെ വൈദ്യുതി മുടങ്ങുന്നതിൽ പ്രതിഷേധിച്ച് നാട്ടുകാർ വൈറ്റില കെഎസ്ഇബി ഓഫീസിലെത്തി. കഴിഞ്ഞ ഏതാനും ദിവസങ്ങളായി തൃക്കാക്കര ഡിവിഷനിൽ രാത്രിയിൽ അപ്രതീക്ഷിതമായി മണിക്കൂറുകളോളം വൈദ്യുതി മുടങ്ങുന്നതാണ് പ്രതിഷേധത്തിന് കാരണം. ശനിയാഴ്ച രാത്രി പത്തുമണിയോടെയാണ് നാട്ടുകാർ കൂട്ടമായി കെഎസ്ഇബി ഓഫീസിലെത്തിയത്. രാത്രികാലങ്ങളിൽ മണിക്കൂറുകളോളം വൈദ്യുതി മുടങ്ങുന്നുണ്ടെന്നും പലപ്പോഴും യാതൊരു മുന്നറിയിപ്പും നൽകാതെയാണ് വൈദ്യുതി ബന്ധം വിച്ഛേദിക്കുന്നതെന്നും നാട്ടുകാർ ആരോപിച്ചു. തുടർച്ചയായ വൈദ്യുതി മുടക്കം ഓക്സിജൻ സപ്പോർട്ട് ഉൾപ്പെടെയുള്ള ചികിത്സാ സംവിധാനങ്ങളെ ആശ്രയിക്കുന്ന രോഗികൾക്ക് വലിയ പ്രതിസന്ധിയാണ് സൃഷ്ടിക്കുന്നതെന്നും […]