തിരുവനന്തപുരം: ചിറയിൻകീഴിൽ വീടിന് നേരെ ബോംബാക്രമണം. പുതുക്കരി വയലിൽ വീട് വിജയന്റെ ഉടമസ്ഥതയിലുള്ള വീടിന് നേരെയാണ് അർധരാത്രിയിൽ ആക്രമണമുണ്ടായത്. രാത്രി 12.45ഓടെയായിരുന്നു സംഭവം. ഹെൽമെറ്റും റെയിൻകോട്ടും ധരിച്ചെത്തിയ രണ്ടുപേർ വീടിന് നേരെ നാല് ബോംബുകൾ എറിയുകയായിരുന്നു. ഇതിൽ മൂന്ന് ബോംബുകൾ വൻ ശബ്ദത്തോടെ പൊട്ടിത്തെറിച്ചു. പൊട്ടാതെ കിടന്ന ഒരു ബോംബും പിന്നീട് കണ്ടെത്തി നിർവീര്യമാക്കി. സ്‌ഫോടന ശബ്ദം കേട്ട് വീട്ടുകാർ പുറത്തിറങ്ങിയപ്പോഴാണ് ആക്രമണ വിവരം അറിയുന്നത്. സംഭവസമയത്ത് വിജയൻ, ഭാര്യ ഗിരിജ, മക്കൾ, മരുമക്കൾ എന്നിവരടക്കം ഒൻപത് […]

തിരുവനന്തപുരം: 18-ാമത് കേരള ഡോക്യുമെന്ററി ചലച്ചിത്രോത്സവമായ ഐഡിഎസ്എഫ്എഫ്കെയിലേക്ക് തിരഞ്ഞെടുക്കപ്പെട്ട 31 ചിത്രങ്ങൾക്ക് പ്രദർശനാനുമതി നൽകാതിരുന്ന സംഭവത്തിൽ വിശദീകരണവുമായി കേന്ദ്രസർക്കാർ. വിവിധ മന്ത്രാലയങ്ങളുടെ അനുമതി ആവശ്യമായതിനാലാണ് ചിത്രങ്ങൾക്ക് പ്രദർശനാനുമതി നൽകാതിരുന്നതെന്നാണ് കേന്ദ്രത്തിന്റെ വിശദീകരണം. സംഭവത്തിൽ പ്രതിഷേധം ശക്തമായതോടെയാണ് കേന്ദ്രസർക്കാർ നിലപാട് വ്യക്തമാക്കിയത്. 347 സിനിമകളുടെ പ്രദർശനാനുമതിക്കാണ് അപേക്ഷ ലഭിച്ചത്. ഇതിൽ 291 സിനിമകൾക്ക് അനുമതി നൽകിയിട്ടുണ്ട്. 20 ചിത്രങ്ങൾ വിദേശകാര്യമന്ത്രാലയത്തിന്റെ പരിഗണനയിലാണ്. നാല് ചിത്രങ്ങൾക്ക് ആഭ്യന്തര മന്ത്രാലയത്തിന്റെ അനുമതി ആവശ്യമാണ്. ഒരു ചിത്രത്തിന് പ്രതിരോധ മന്ത്രാലയത്തിന്റെയും മറ്റൊന്നിന് സെൻസർ […]