തിരുവനന്തപുരം: നിയമസഭാ തെരഞ്ഞെടുപ്പിലെ മികച്ച മുന്നേറ്റത്തിന് പിന്നാലെ ബിജെപിയിൽ ആഭ്യന്തര തർക്കം രൂക്ഷമാകുന്നു. തെരഞ്ഞെടുപ്പ് ഫണ്ട് വിനിയോഗവുമായി ബന്ധപ്പെട്ട് ക്രമക്കേടുകൾ നടന്നെന്ന ആരോപണത്തെ തുടർന്ന് കേന്ദ്ര നേതൃത്വം അന്വേഷണം ആരംഭിച്ചതായാണ് വിവരം. പാർട്ടി പതാകകൾ, പ്രചാരണ സാമഗ്രികൾ, നേതാക്കളുടെ സന്ദർശനവുമായി ബന്ധപ്പെട്ട ചെലവുകൾ, ഹെലികോപ്റ്റർ വാടക തുടങ്ങിയവയിൽ ക്രമക്കേട് നടന്നെന്ന കണ്ടെത്തലാണ് പുറത്തുവരുന്നത്. സംസ്ഥാന പ്രസിഡന്റ് രാജീവ് ചന്ദ്രശേഖറിനൊപ്പമുള്ള ചില ഭാരവാഹികൾക്കെതിരെയാണ് ആരോപണങ്ങൾ ഉയർന്നിരിക്കുന്നത്. കേന്ദ്ര നേതൃത്വം സൗജന്യമായി നൽകിയ പ്രചാരണ വസ്തുക്കൾക്ക് പോലും വ്യാജ ബില്ലുകൾ […]