കണ്ണൂർ: ബസിൽ ടിക്കറ്റ് എടുക്കാൻ ഗൂഗിൾ പേ സൗകര്യമില്ലെന്ന് അറിയിച്ചതിനെ ചൊല്ലിയുണ്ടായ തർക്കത്തിനൊടുവിൽ യാത്രക്കാരൻ ബസ് കണ്ടക്ടറെ മർദിച്ചു. ആക്രമണത്തിൽ കണ്ടക്ടറുടെ മൂക്കിന് ഗുരുതരമായി പൊട്ടലേറ്റു. സംഭവത്തിൽ പാനൂർ സ്വദേശിയായ യുവാവിനെ കൂത്തുപറമ്പ് പൊലീസ് അറസ്റ്റ് ചെയ്തു. കൂത്തുപറമ്പ്-പാനൂർ റൂട്ടിൽ സർവീസ് നടത്തുന്ന സൺസ്റ്റാർ ബസിലാണ് സംഭവം. കൂത്തുപറമ്പിൽനിന്ന് പാനൂരിലേക്ക് പോകുന്നതിനിടെ പൂക്കോട്ടുവെച്ചാണ് തർക്കമുണ്ടായത്. ബസിൽ ഗൂഗിൾ പേ സൗകര്യമില്ലെന്ന് കണ്ടക്ടർ രാഘവൻ അറിയിച്ചതോടെ യാത്രക്കാരനായ യുവാവ് അക്രമാസക്തനാവുകയും മുഖത്തേക്ക് ഇടിക്കുകയുമായിരുന്നു. ആക്രമണത്തിൽ മൂക്കിന് ഗുരുതരമായി പരിക്കേറ്റ […]