കൊച്ചി: ജില്ലയിൽ ഉണ്ടായ സമ്പൂർണ പരാജയം വിശദമായി പഠിക്കാൻ സി.പി.എം. തീരുമാനിച്ചു. പ്രതീക്ഷിക്കാത്ത തരത്തിലുള്ള വലിയ തിരിച്ചടിയാണ് തിരഞ്ഞെടുപ്പിൽ ഉണ്ടായത്. സിറ്റിങ് സീറ്റുകൾ എല്ലാം നഷ്ടപ്പെട്ടതോടൊപ്പം, യു.ഡി.എഫ്. സ്ഥാനാർഥികൾ വൻ ഭൂരിപക്ഷത്തിലാണ് വിജയിച്ചത്. മണ്ഡലങ്ങളിൽ അടിസ്ഥാനവോട്ടുകളിൽ ഗണ്യമായ ഇടിവുണ്ടായതായും വിലയിരുത്തുന്നു. ബൂത്തുതലത്തിൽ വോട്ടുകൾ എവിടേക്കാണ് പോയത്, എന്തുകൊണ്ടാണ് ചോർച്ച ഉണ്ടായത് എന്നിവ പരിശോധിക്കാനാണ് തീരുമാനം. പരാജയത്തിന്റെ എല്ലാ വശങ്ങളും ബൂത്ത് അടിസ്ഥാനത്തിൽ വിശകലനം ചെയ്യുമെന്ന് ജില്ലാ സെക്രട്ടേറിയറ്റ് അറിയിച്ചു. സംസ്ഥാനമൊട്ടാകെ സമാനമായ വോട്ടുചോർച്ചയുണ്ടായ സാഹചര്യത്തിൽ, എറണാകുളത്തിനൊന്നുമാത്രമായ പ്രത്യേക […]