ന്യൂഡൽഹി: നീറ്റ് പരീക്ഷാ ക്രമക്കേടിനെതിരെ നടന്ന പ്രതിഷേധവുമായി ബന്ധപ്പെട്ട് വൈറലായ വിദ്യാർഥി അഭിനവ് ബിഷ്തിന്റെ ഇൻസ്റ്റഗ്രാം അക്കൗണ്ട് സസ്‌പെൻഡ് ചെയ്തു. ഡൽഹി പൊലീസിന്റെ നടപടിയെ തുടർന്നാണ് അക്കൗണ്ട് സസ്‌പെൻഡ് ചെയ്തതെന്നാണ് റിപ്പോർട്ട്. ഡൽഹി സ്വദേശിയും കണ്ടന്റ് ക്രിയേറ്ററുമായ അഭിനവ്, പ്രതിഷേധ വേദിയിൽ നിന്ന് പങ്കുവെച്ച വീഡിയോകളും റീലുകളും സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു. @issac1rl എന്ന പേരിലായിരുന്നു അദ്ദേഹത്തിന്റെ ഇൻസ്റ്റഗ്രാം അക്കൗണ്ട്. പ്രതിഷേധവുമായി ബന്ധപ്പെട്ട് പ്രധാനമന്ത്രിക്കെതിരായ അപകീർത്തികരമായ പോസ്റ്റുകളും വീഡിയോകളും നീക്കം ചെയ്യുന്നതിനുള്ള നടപടികൾ ഡൽഹി പൊലീസ് ആരംഭിച്ചിട്ടുണ്ട്. […]