തൃശൂര്‍: വിദ്യാർഥികളുടെയും അധ്യാപകരുടെയും ചിത്രങ്ങൾ മോർഫ് ചെയ്ത് നഗ്നചിത്രങ്ങളാക്കി ഫോണിൽ സൂക്ഷിച്ചെന്ന പരാതിയിൽ നടപടിയെടുത്ത മങ്ങാട് സെന്റ് ജോസഫ്‌സ് ആൻഡ് സെന്റ് സിറിൽസ് ഹയർസെക്കൻഡറി സ്‌കൂൾ പ്രധാനാധ്യാപകൻ സാജു വർഗീസിനെ തിരിച്ചെടുക്കാനുള്ള നീക്കത്തിനെതിരെ എസ്.എഫ്.ഐ പ്രതിഷേധം. എസ്.എഫ്.ഐ കുന്നംകുളം ഏരിയ കമ്മിറ്റിയുടെ നേതൃത്വത്തിൽ സ്‌കൂളിലേക്ക് പ്രതിഷേധ മാർച്ചും ധർണയും സംഘടിപ്പിച്ചു. അധ്യാപകർ നൽകിയ പരാതി അവഗണിച്ച് പ്രധാനാധ്യാപകനെ വീണ്ടും സ്‌കൂളിൽ പ്രവേശിപ്പിക്കാൻ മാനേജ്‌മെന്റ് ശ്രമിക്കുന്നുവെന്നാരോപിച്ചായിരുന്നു പ്രതിഷേധം. മങ്ങാട് സെന്ററിൽനിന്ന് ആരംഭിച്ച പ്രകടനം സ്‌കൂളിന് മുന്നിൽ പൊലീസ് തടഞ്ഞു. […]