കോട്ടയം: ചികിത്സയ്ക്കായി എത്തിയ അർബുദബാധിതനെയും ഭാര്യയെയും ഹർത്താലിനിടെ തടഞ്ഞ സംഭവത്തിൽ സമരസമിതി നേതാവിനെ റിമാൻഡിൽ അയച്ചു. പത്തനംതിട്ട ജില്ലാ വൈസ് പ്രസിഡന്റും തിരുവല്ല ചുമത്ര സ്വദേശിയുമായ അജിമോൻ ചാലാക്കേരിയാണ് റിമാൻഡിലായത്. കൊലപാതകശ്രമം ഉൾപ്പെടെയുള്ള ഗുരുതര കുറ്റങ്ങളാണ് ഇയാൾക്കെതിരെ ചുമത്തിയത്. ചൊവ്വാഴ്ച രാവിലെ തിരുവല്ല കെ.എസ്.ആർ.ടി.സി. സ്റ്റാൻഡിന് മുന്നിലായിരുന്നു സംഭവം. അങ്കമാലിയിൽ നിന്ന് ബസിൽ എത്തിയ രോഗിയും ഭാര്യയും കോഴഞ്ചേരിയിലെ സ്വകാര്യ ആശുപത്രിയിലേക്ക് പോകാനായിരുന്നു ശ്രമം. എന്നാൽ ഹർത്താലനുകൂലികൾ ബസ് തടഞ്ഞതോടെ യാത്ര സാധിച്ചില്ല. രോഗാവസ്ഥയെക്കുറിച്ച് അറിയിച്ചിട്ടും ബസ് […]