കോഴിക്കോട്: കോഴിക്കോട് കോർപ്പറേഷൻ ഭരണം പിടിച്ചടക്കാനുള്ള നീക്കമായി കോണ്‍ഗ്രസ്. പ്രശസ്ത സംവിധായകന്‍ വി.എം. വിനുവിനെയാണ് മേയര്‍ സ്ഥാനാര്‍ത്ഥിയായി പരിഗണിക്കുന്നത്. പാറോപ്പടിയിലോ ചേവായൂരിലോ വിനു മത്സരിക്കാനാണ് സാധ്യത. വി.എം. വിനുവിനോടു രമേശ് ചെന്നിത്തലയും, ഷാഫി പറമ്പിലും നേരത്തെ ചര്‍ച്ച നടത്തിയിരുന്നു. തുടര്‍ന്നാണ് മത്സരിക്കാന്‍ വിനു സമ്മതം നല്‍കിയത്. എങ്കിലും അന്തിമ തീരുമാനം ഇതുവരെ ലഭിച്ചിട്ടില്ലെന്നും, ചര്‍ച്ചകള്‍ പുരോഗമിക്കുകയാണെന്നും വിനു വ്യക്തമാക്കി. ഇന്ന് ഉച്ചയോടെ കോഴിക്കോട് കോര്‍പ്പറേഷനിലേക്കുള്ള കോണ്‍ഗ്രസ് സ്ഥാനാര്‍ത്ഥികളുടെ ആദ്യ പട്ടിക പ്രഖ്യാപിക്കും. 49 സീറ്റുകളിലാണ് കോണ്‍ഗ്രസ് മത്സരിക്കുന്നത്. […]