ഇത്തവണത്തെ നിയമസഭാ തെരഞ്ഞെടുപ്പ് ഫലം ഇടതുപക്ഷത്തിനും, പ്രത്യേകിച്ച് സിപിഎമ്മിനും ഒട്ടനവധി വിചിന്തനങ്ങളുടേയും തിരുത്തലുകളുടേയും തുടക്കം കൂടിയാണ്. പാർട്ടിയെന്നാൽ തലപ്പത്തിരിക്കുന്നവർ മാത്രമല്ലെന്നും താഴെത്തട്ടിൽ അഹോരാത്രം പണിയെടുക്കുന്ന പ്രവർത്തകരും അണികളും കേഡറുകളും ചേർന്നതും കൂടിയാണെന്നുമുള്ള ശക്തമായൊരു പ്രസ്താവന കൂടിയായി മാറിയിരിക്കുകയാണ് ഈ ഫലം. സിപിഎം വിട്ട് കോൺഗ്രസ് പിന്തുണയോടെ മത്സരിച്ച അഞ്ച് സ്ഥാനാർത്ഥികളിൽ മൂന്ന് പേരും വിജയിച്ചു എന്നത് അത്ര നിസാരമായ കാര്യമല്ല. തിരഞ്ഞെടുപ്പിന് മുമ്പും തിരഞ്ഞെടുപ്പ് പ്രഖ്യാപനത്തിന് ശേഷവുമായി ആറ് പേരാണ് സിപിഎം വിട്ട് കോൺഗ്രസ് പിന്തുണയുള്ള സ്ഥാനാർത്ഥികളായത്. […]