എറണാകുളം: ആലുവയിൽ വഴിയാത്രക്കാരനായ പ്രവാസി യുവാവിനെ ക്രൂരമായി ആക്രമിച്ച് കവർച്ച. കോടനാട് സ്വദേശി ജോഫിൻ ജിജുവിനാണ് ആക്രമണത്തിൽ ഗുരുതരമായി പരിക്കേറ്റത്. ആലുവ റെയിൽവേ സ്റ്റേഷൻ പരിസരത്ത് ഇന്നലെ പുലർച്ചെ 3.30ഓടെയായിരുന്നു സംഭവം. വിവാഹത്തിൽ പങ്കെടുക്കാനായി യാത്ര ചെയ്യുന്നതിനിടെയാണ് ജോഫിന് നേരെ ആക്രമണമുണ്ടായത്. മെട്രോ സ്റ്റേഷന് സമീപത്തുനിന്ന് ഗൂഗിൾ മാപ്പിന്റെ സഹായത്തോടെ റെയിൽവേ സ്റ്റേഷനിലേക്ക് നടന്ന് പോകുന്നതിനിടെ അപരിചിതരായ രണ്ടുപേർ ചേർന്ന് ആക്രമിക്കുകയായിരുന്നു. തലയ്ക്ക് കല്ലെറിഞ്ഞ് വീഴ്ത്തിയ ശേഷം കയറുകൊണ്ട് കെട്ടി സമീപത്തെ കനാലിലേക്ക് ചവിട്ടിയിട്ടെന്നാണ് ജോഫിന്റെ മൊഴി. […]