തിരുവനന്തപുരം: നേതൃത്വത്തെ പ്രതിസന്ധിയിലാക്കുന്ന തരത്തിലുള്ള പരസ്യ പ്രതികരണങ്ങൾ ഒഴിവാക്കണമെന്ന് കോൺഗ്രസ് മീഡിയ പാനലിസ്റ്റുകൾക്ക് കെപിസിസി നിർദേശം നൽകി. പാർട്ടി നയങ്ങളും ഔദ്യോഗിക നിലപാടുകളും മാത്രമേ മാധ്യമങ്ങളിലും സമൂഹമാധ്യമങ്ങളിലും അവതരിപ്പിക്കാവൂ എന്നാണ് നിർദേശം. കെപിസിസി ജനറൽ സെക്രട്ടറി ദീപ്തി മേരി വർഗീസാണ് മീഡിയ പാനലിസ്റ്റുകൾക്ക് ഇതുസംബന്ധിച്ച് നിർദേശങ്ങൾ നൽകിയത്. പാർട്ടിയുടെ ഐക്യത്തിനും അച്ചടക്കത്തിനും ജനങ്ങൾക്കിടയിലെ വിശ്വാസ്യതയ്ക്കും ബാധകമാകുന്ന തരത്തിലുള്ള പ്രതികരണങ്ങൾ ഒഴിവാക്കണമെന്നും നിർദേശിച്ചിട്ടുണ്ട്. വ്യക്തിപരമായ അഭിപ്രായ വ്യത്യാസങ്ങളും സംഘടനാ വിഷയങ്ങളും പൊതുവേദികളിൽ ചർച്ച ചെയ്യരുതെന്നും അവ പാർട്ടിയുടെ ആഭ്യന്തര […]